اسلام آباد(کرائم رپورٹر )ایس ایس پی آپریشنز اسلام آباد محمد شعیب خان کی زیر صدارت کرائم کے حوالے سے اہم اجلاس منعقد ، تمام افسران سنگین جر ائم میں ملوث ملزمان اور اشتہاری مجرمان کی گرفتار ی کو یقینی بنا ئیں، متحرک گرہوں،غیر قانونی اسلحہ،منشیات فروشوں اور قبضہ مافیاکے خلاف سخت کارروائی عمل میں لائی جائے،جبکہ پٹر ولنگ کو مو ثر اور بامقصد بنانے کیلئے تمام وسائل بروئے کارلائے جائیں۔
تفصیلا ت کے مطا بق ایس ایس پی آپریشنز اسلام آباد محمد شعیب خان کی زیر صدارت اسلام آباد میں کرائم کی صورتحال پر ایک اہم اجلاس کا انعقاد ہوا، اجلاس میں ضلع بھر کے ایس ایچ اوز نے شرکت کی، ایس ایس پی آپریشنز اسلام آبادنے تمام افسران کی کارکردگی کا تفصیلی جائزہ لیا،انہوں نے تمام افسران کو ہدایات جاری کر تے ہو ئے کہا جرائم کے انسداد کے لئے تما م تر وسائل برو¿ے کار لا تے ہو ئے قتل، اقدام قتل کار و موٹر سائیکل چوری میں ملوث ملزمان گرفتارکئے جائیں، اشتہاری مجرمان اور متحرک جرائم پیشہ گروہوں کے ممبران کے خلاف خصوصی آپریشنز کئے جا ئیں، غیر قانونی اسلحہ،منشیات فروشوں اور قبضہ مافیا کیخلاف بھرپور کاروائیاں عمل میں لائی جائیں، پیٹرولنگ کو مزید موثر اور بامقصد بنا تے ہو ئے تمام پٹرولنگ یونٹس ہمہ وقت فیلڈ میں متحرک اور موجود رہیں .
شہریوں کے جان و مال کے تحفظ کو یقینی بنا نے کے لیے تمام تر وسائل برو ئے کار لا ئے جائیں، انہوں نے تمام افسران کو مزید ہدایات جاری کرتے ہوئے کہاکہ فرائض کی ادائیگی میں کسی قسم کی غفلت یا لاپرواہی ہرگز برداشت نہیں کی جائے گی،شہریوں کے جان و مال کا تحفظ اولین ترجیح ہے،اسلام آباد پولیس شہر میں امن و امان کے قیام، قانون کی بالادستی اور شہریوں کے اعتماد کی بحالی کے لئے پرعزم ہے.
