اسلام آباد (سٹاف رپورٹر ) آئیگنائٹ نیشنل ٹیکنالوجی فنڈ، وزارت انفارمیشن ٹیکنالوجی و ٹیلی کمیونیکیشن کے تحت، نے اے آئی ریپر مقابلہ 2025 کا آغاز کیا ہے۔ یہ مصنوعی ذہانت کا ایک تاریخی قومی اقدام ہے جس کا مقصد نوجوانوں، پروفیشنلز اور محققین کو پاکستان کے حقیقی مسائل کے حل کے لیے اے آئی کے استعمال پر آمادہ کرنا ہے۔ یہ مقابلہ پانچ بڑے شہروں کراچی، کوئٹہ، لاہور، پشاور اور اسلام آباد میں منعقد ہوگا اور اس کا شاندار فائنل اسلام آباد میں ہوگا یہ اقدام قومی اہمیت کے اہم شعبوں میں اے آئی سے چلنے والی ترقی کو آگے بڑھانے کے لیے شروع کیا گیا ہے، جن میں تعلیم، صحت، گورننس، مالیات اور ماحولیاتی نظام شامل ہیں۔ ان اہم شعبوں پر توجہ دے کر یہ مقابلہ پاکستان کو عالمی سطح پر اے آئی میں نمایاں شراکت دار کے طور پر اجاگر کرنے کا ہدف رکھتا ہے۔ اس سے مقامی ٹیلنٹ کو پاکستان کے منفرد چیلنجز کے لیے حسب ضرورت اے آئی حل تیار کرنے کا موقع ملے گا، جبکہ ایسے اسکیل ایبل ایپلیکیشنز بھی تخلیق ہوں گی جو دیگر ممالک کو بھی فائدہ پہنچا سکیں۔
کل انعامی رقم 8 کروڑ 75 لاکھ روپے کے ساتھ، اے آئی ریپر مقابلہ 2025 ملک کے سب سے بڑے ٹیکنالوجی مقابلوں میں سے ایک ہے۔ انعامی رقم سے آگے بڑھ کر یہ مقابلہ شرکاء کو اپنے آئیڈیاز کو مارکیٹ کے لیے تیار حل میں بدلنے، ماہر رہنمائی حاصل کرنے اور پاکستان کی نمائندگی کے لیے بین الاقوامی اے آئی مقابلوں تک رسائی فراہم کرنے کا موقع دیتا ہے، تاکہ دنیا بھر میں ملک کے ٹیلنٹ کو اجاگر کیا جا سکے۔
موقع پر وفاقی وزیر برائے آئی ٹی و ٹیلی کمیونیکیشن، شزا فاطمہ خواجہ نے کہا:“اے آئی ریپر مقابلہ 2025 ہماری اس پختہ وابستگی کی عکاسی کرتا ہے کہ ہم ٹیکنالوجی کو جامع ترقی، سماجی اثرات اور معاشی خوشحالی کے لیے بروئے کار لانا چاہتے ہیں۔ وزیرِاعظم شہباز شریف کے ڈیجیٹل نیشن پاکستان کے وژن کے تحت ہم ایسے پلیٹ فارمز تشکیل دے رہے ہیں جو نہ صرف نوجوانوں کو بااختیار بنائیں بلکہ پاکستان کی ترقی کی صلاحیت کو عالمی سطح پر بھی اجاگر کریں اے آئی ریپر مقابلہ 2025 محض ایک مقابلہ نہیں بلکہ ایک قومی تحریک ہے جس کا مقصد مصنوعی ذہانت کو سماجی اثرات، معاشی ترقی اور ڈیجیٹل تبدیلی کے لیے بروئے کار لانا ہے۔ ملک بھر کے انوویٹرز، اسٹارٹ اپس، طلبہ اور محققین کو شامل کر کے یہ اقدام پاکستان کو ایک نمایاں ٹیکنالوجی ڈیسٹی نیشن کے طور پر مستحکم بنانے اور ڈیجیٹل نیشن پاکستان کے مستقبل کو تشکیل دینے میں اہم کردار ادا کرے گا۔
رجسٹریشن اب کھلی ہے: ignitecode.org.pk/aiwrapper۔ رجسٹریشن کی آخری تاریخ 10 اکتوبر 2025 ہے۔ آگے بڑھیں، اپنی ترقی دکھائیں اور پاکستان کے اے آئی مستقبل کو نئی شکل دینے میں پیش رو بنیں
