ممبئی (ویب ڈیسک )بالی ووڈ کے دبنگ اسٹار سلمان خان ایک بار پھر اپنی شاندار فٹنس اور کرشماتی انداز سے مداحوں کے دلوں پر چھا گئے۔ اداکار نے پیر کی شام اپنے ورک آؤٹ سیشن کے بعد لی گئی چند نئی تصاویر سوشل میڈیا پر شیئر کیں، جن میں وہ بغیر قمیص کے اپنی فزیک دکھاتے نظر آئے ، سلمان خان کی یہ تصاویر سوشل میڈیا پر آتے ہی دیکھتے ہی دیکھتے وائرل ہو گئیں۔ مداحوں نے کمنٹس میں دلوں اور آگ کے ایموجیز کی برسات کر دی، جبکہ کئی صارفین نے لکھا، “ بھائی جان واپس اپنے عروج پر آ گئے ہیں تصاویر میں سلمان کے چِسلڈ ایبس، چوڑے کندھے اور مضبوط جسمانی ساخت نے سب کو متاثر کر دیا۔ اداکار نے پوسٹ کے ساتھ ایک معنی خیز جملہ لکھا “کچھ حاصل کرنے کے لیے کچھ چھوڑنا پڑتا ہے… یہ بغیر چھوڑے حاصل کیا ہے۔”
یہ جملہ مداحوں میں خوب مقبول ہوا اور ہزاروں بار شیئر کیا گیا۔ ایک مداح نے لکھا، “یہی ہے اصل موٹیویشن!” جبکہ اداکار ارجن بجلالی نے تبصرہ کیا، “ہمیشہ کی طرح متاثر کن!” اور ورون دھون نے سادہ الفاظ میں کہا: “بھائی، بھائی، بھائی!”فٹنس شوٹ کے ساتھ ساتھ، سلمان خان نے اپنی مشہور فلاحی تنظیم ’ بیئنگ ہیومن‘ کی 12ویں سالگرہ کے موقع پر ایک خصوصی پوسٹ بھی شیئر کی۔ اس ویڈیو اور تصویری پوسٹ میں سلمان کے ساتھ ان کے اہل خانہ — سلیم خان، ہیلن، سلمیٰ خان، ارباز خان، سہیل خان سمیت دیگر افراد بھی موجود تھے دلچسپ بات یہ ہے کہ مداحوں نے پوسٹ میں ملائکہ اروڑا اور سیما سجدیا کی پرانی تصاویر بھی پہچان لیں، جو اس خاندانی لمحے کا حصہ تھیں سلمان خان نے اپنے پیغام میں لکھا “12 سال پہلے ’ بیئنگ ہیومن‘ صرف ایک خیال تھا — خوشیاں بانٹنے اور اچھا کرنے کا۔ آج یہ صرف برانڈ نہیں، بلکہ ایک خاندان ہے جو ہر سال بڑا ہوتا جا رہا ہے۔ شکریہ ان سب کا جو اس سفر کا حصہ بنے۔ پیشہ ورانہ محاذ پر سلمان خان ان دنوں اپنی نئی فلم ”بیٹل آف گلوان“ کی شوٹنگ میں مصروف ہیں، جو ایکشن اور ڈرامہ سے بھرپور فلم بتائی جا رہی ہے۔ ذرائع کے مطابق، فلم کی کہانی حقیقی واقعات سے متاثر ہے اور سلمان اس میں ایک طاقتور کردار میں نظر آئیں گےمداحوں کا کہنا ہے کہ ان کی تازہ تصاویر اس بات کا واضح ثبوت ہیں کہ سلمان خان دوبارہ اپنے فٹنس پیِک اور ایکشن فارم میں واپس آ چکے ہیں۔
