ممبئی (ویب ڈیسک ) آئی سی سی ویمنز ورلڈکپ فائنل میں بھارت نے جنوبی افریقا کو جیت کیلئے 299 رنز کا ہدف دے دیا ممبئی کے ڈی وائی پاٹل سٹیڈیم میں ہونیوالے میچ میں جنوبی افریقا نے ٹاس جیت کر بھارت کو پہلے بیٹنگ کی دعوت دی تاہم پہلے بیٹنگ کرتے ہوئے بھارت نے مقررہ 50 اوورز میں 7 وکٹوں کے نقصان پر 298 رنز بنائے قبل ازیں بارش کے باعث ٹاس دو گھنٹے کی تاخیر سے ہوا تاہم اوورز میں کوئی کٹوتی نہیں کی گئی۔
ٹاس کے موقع پر گفتگو کرتے ہوئے جنوبی افریقی کپتان لورا وولوارٹ کا کہنا تھا کہ یہ گراؤنڈ ہدف کا تعاقب کرنے کے لیے اچھا ہے اور امید ہے بارش کے باعث ابتدائی اوورز میں انہیں فائدہ حاصل ہوسکے بھارتی کپتان ہرمنپریت کا کہنا ہے کہ وہ بھی موسم کی صورتحال کے باعث پہلے بولنگ کرنا چاہتی تھیں، ابتدائی پانچ چھ اوورز میں بیٹنگ کرنا مشکل ہوگا واضح رہے کہ ٹاس دوپہر 2 بجے جبکہ میچ کا آغاز ڈھائی بجے ہونا تھا، گراؤنڈ کی آؤٹ فیلڈ میں پانی جمع ہوجانے کے باعث انتظامیہ کو میچ شروع کروانے میں مشکلات کا سامنا رہا خیال رہے کہ جنوبی افریقا اور بھارت کی ٹیمیں آج پہلی مرتبہ ویمنز ورلڈکپ کا ٹائٹل جیتنے کیلیے مدمقابل آئیں ہیں، ویمنز ورلڈکپ کی تاریخ میں یہ پہلا موقع ہے جب فائنل میں آسٹریلیا یا انگلینڈ میں سے کوئی بھی ایک ٹیم موجود نہیں ہوگی بھارتی ٹیم اس سے قبل دو مرتبہ فائنل کھیل چکی ہے تاہم اسے دونوں مرتبہ شکست کا سامنا کرنا پڑا جبکہ جنوبی افریقی ٹیم نے پہلی مرتبہ ویمنز ورلڈکپ کے فائنل میں رسائی حاصل کی ہے۔
