ڈائریکٹر جنرل پاکستان میٹرولوجیکل ڈیپارٹمنٹ (پی ایم ڈی) مہر صاحبزادہ خان نے پیش گوئی کی ہے کہ ملک بھر میں رواں ماہ کے آخر سے مون سون بارشوں کا سسٹم داخل ہونے کا امکان ہے جبکہ پری مون سون بارشیں آئندہ دو روز سے شروع ہو جائیں گی۔
سرکاری میڈیا سے خصوصی بات چیت میں، انہوں نے کہا کہ مون سون کی بارشوں سے درجہ حرارت میں کمی آئے گی اور لوگوں کو گرمی کی لہر سے راحت ملے گی جس نے گزشتہ چند ہفتوں سے خطے کو اپنی لپیٹ میں لے رکھا ہے۔
انہوں نے کہا کہ الگ تھلگ پری مون سون بارشیں شروع ہو چکی ہیں جس میں آئندہ ایک دو روز میں مزید اضافہ ہو گا اور ویک اینڈ زیادہ پر سکون اور خوشگوار ہو گا۔
ڈی جی نے کہا کہ پری مون سون بارشوں کا سلسلہ آج سے منگل تک جاری رہنے کی امید ہے۔
