پاکستان میں ارجنٹائن کے معززسفیر مسٹر لیوپولڈو ایف. سہورس نے آج یہاں وزارت ہاؤسنگ اینڈ ورکس کے وفاقی سیکرٹری افتخار علی شلوانی سے ان کے دفتر میں ملاقات کی۔دونوں فریقین نے مختلف باہمی دوطرفہ امور پر تبادلہ خیال کیا۔ افتخار علی شلوانی نے سفیر کو آئندہ پہلی بین الاقوامی ہاؤسنگ ایکسپو 2022 کے حوالے سے بریفنگ دی اور انہیں مدعو بھی کیا۔ شالوانی نے ارجنٹائن کے سفیر کو کم لاگت کے ہاؤسنگ پراجیکٹس اور پاکستان میں ہاؤسنگ سیکٹر کی ترقی کے لیے کیے جانے والے اقدامات سے بھی آگاہ کیا۔مسٹر لیوپولڈو ایف.ساہورس نے انٹرنیشنل ہاؤسنگ ایکسپو 2022، ایف ڈی آئی اور رئیل اسٹیٹ میں بھی ارجنٹائن کی شرکت کا اظہار کیا۔ انہوں نے سیکرٹری کی کاوشوں کو سراہا اور حکومت پاکستان خصوصاً وزارت ہاؤسنگ کی جانب سے اب تک کئے گئے کام کو سراہا۔ انہوں نے ہاؤسنگ اینڈ ورکس کی وزارت کی جانب سے بے گھر افراد کو پناہ دینے اور سرکاری ملازمین اور عام لوگوں کو سستی قیمتوں پر معیاری رہائشی سہولیات فراہم کرنے کے لیے حکو مت کی انتھک کا وشوں کی بھی تعریف کی۔
