اسلام آباد(سی این پی) انتخابات کے تیسرے مرحلے کا آغاز کل یکم جنوری 2024 سے ہوگا، امیدوار کاغذات نامزدگی مسترد ہونے کے خلاف ہائی کورٹس میں اپیلیں کریں گے۔
جن امیدواروں کے کاغذات مسترد ہوئے وہ کل یکم جنوری سے ہائی کورٹ میں اپیلیں کریں گے۔
ٹربیونل میں اپیلیں یکم سے 3 جنوری تک جمع ہوں گی اور تین جنوری سے الیکشن ٹربیونل ان کی سماعت شروع کریں گے۔ الیکشن ٹربیونل 10 جنوری تک تمام اپیلوں پر فیصلوں کے پابند ہوں گے۔
ریٹرنگ افسران 11 جنوری کو نئی امیدواروں کی لسٹ جاری کریں گے اور 13 جنوری کو امیداروں کو انتخابی نشان الاٹ کیے جائیں گے۔
خواتین اور اقلیتوں کی مخصوص نشستوں کے کاغذات کی جانچ پڑتال کے لیے 13 جنوری کی تاریخ مقرر ہے۔
شیخ رشید احمد سمیت تمام امیدوار آر او کے فیصلے کو کل یکم جنوری کو چیلنج کریں گے۔ ڈسٹرکٹ راولپنڈی، اٹک، چکوال اور جہلم کے امیدوار ہائی کورٹ پنڈی بینچ رجوع کریں گے۔
