اسلام آباد(سی این پی)امریکی سفیر Donald Blome نے آج اسلام آباد میں وفاقی وزیر برائے توانائی سردار اویس احمد خان لغاری کی قیادت میں پاکستان کے پاور ڈویڑن سے تعلق رکھنے والے وفد سے مثبت بات چیت کی۔
ملاقات کے دوران پاکستان نے قابلِ تجدید توانائی کے حوالے سے اپنے عزم کا اعادہ کیا۔ اس کے علاوہ، پاکستان نے گرین کلائمیٹ فنڈ کی راہ میں حائل رکاوٹیں دور کرنے کے لیے امریکی کردار پر زور دیا ہے، جس کا مقصد خود کو آنے والے ماحولیاتی مشکلات کے لیے تیار کرنا ہے۔
مزید برآں، امریکی سفیر نے قابل تجدید توانائی کے منصوبوں میں سرمایہ کاری کرنے میں امریکی کمپنیوں اور ڈی ایف سی کی دلچسپی کا اظہار کیا، جس سے پاکستان کو اگلے 8-10 سالوں میں اپنے توانائی مکس میں قابل تجدید ذرائع کا حصہ دوگنا کرنے کے ہدف میں مدد ملےگی۔
مزید برآں، وفاقی وزیر برائے توانائی نے پاکستان کے آنے والے توانائی بچت پروگرام کے کلیدی پیرامیٹرز پر روشنی ڈالی، جو مستقبل قریب میں توانائی کے تحفظ کے لیے شروع کیا جائے گا۔ وزیر نے پاکستان کے Energy Conservation کے اقدامات کے نفاذ کے لیے USAID کو تعاون کی دعوت دی۔
امریکی سفیر نے امریکہ میں آئندہ ہونے والے اقتصادی مذاکرات کی اہمیت کو اجاگر کیا اور پاکستان کی جانب سے مضبوط موجودگی کی درخواست کی۔
