یوکرین کی بارڈر گارڈ سروس ( ڈی پی ایس یو) کا کہنا ہے کہ روسی فوجیوں کے قافلے شمالی چرنیہیو اور سومی کے علاقوں اور مشرقی لوہانسک اور خارخیو کے علاقوں سے یوکرین میں داخل ہو گئے ہیں۔
ان کا کہنا ہے کہ روسی حملے سے پہلے توپ خانوں سے گولہ باری کی گئی جس کے نتیجے میں یوکرین کے سرحدی محافظ زخمی ہوئے ہیں۔
ان کا یہ بھی کہنا ہے کہ یوکرین کے سرحدی محافظ اور مسلح افواج ’دشمن کو روکنے کے لیے ہر قسم کے اقدامات کر رہے ہیں۔‘
