کمانڈوز افسران کی پیشہ وارانہ صلاحیتوں کو مزید بڑھانے کیلئے کومبیٹ ریفریشر کورس کاانعقاد

اسلام آباد(کرائم رپورٹر)اسلام آباد پولیس ریڈ زون کمانڈوز کے افسران کی استعداد کار اور پیشہ وارانہ صلاحیتوں کو مزید بڑھانے کیلئے کومبیٹ ریفریشر کورس کاانعقاد ،وفاقی دار الحکومت سفرائ،غیرملکی وفود،سفارت خانو ں اور اہم دفاتر کی سکیورٹی کوبہتر کرنے اور کسی بھی ناخوشگوار واقع کے سدباب کو یقینی بنانے میں ریڈ زون کمانڈوز کوشاں ہیں۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات پر اسلام آباد پولیس ریڈ زون کمانڈوز کے افسران کی استعداد کار اور پیشہ وارانہ صلاحیتوں کو مزید بڑھانے کیلئے کومبیٹ ریفریشر کورس کا انعقاد کیا گیا، ریفریشر کورس میں ریڈ زون کمانڈوز کو بنیادی انسداد دہشت گردی کی تربیت دی گئی ،افسران نے کورس کے دوران فزیکل ٹریننگ، ویپن ہینڈلنگ،مغویوں کو بازیاب کرانے، اسلحہ سے لیس عناصر کو قابو کرنے، امن و امان کی صورتحال کو برقرار رکھنے کے متعلق مشقیں کیں،تاکہ کسی بھی ہنگامی صورتحال کو کنٹرول کیا جا سکے، اسلام آباد پولیس ریڈ زون کمانڈوز نہا یت ہی مہارت کا مظاہرہ کرتے ہوئے فوری طور پر دہشتگردی اور جرائم پیشہ عناصر کے خلاف کارروائیاں عمل میں لاتی ہے ،جو ان کی بہترین تربیت کا منہ بولتا ثبوت ہے، وفاقی دار الحکومت سفرائ،غیرملکی وفود،سفارت خانوں اور اہم دفاتر کی سکیورٹی کوبہتر کرنے اور کسی بھی ناخوشگوار واقع کے سدباب کو یقینی بنانے میں ریڈ زون کمانڈوز کا کردار انتہائی اہمیت کا حامل ہے،سینئر پولیس افسران نے کہا کہ ان تربیتی کورسز کے انعقاد کا مقصد پولیس افسران کی صلاحیتوں میں اضافہ اور ایمرجنسی کی صورت بہترین حکمت عملی اپنانا ہے۔