اسلام آباد(سی این پی)احتساب عدالت کے جج سید اصغر علی کی عدالت میں زیر سماعت سابق صدر پاکستان آصف علی ذرداری اور سابق وزیر اعظم یوسف رضا گیلانی وغیرہ کے خلاف توشہ خانہ ریفرنس میں وقت کی کمی کے باعث سماعت ملتوی کردی گئی۔گذشتہ روز سماعت کے دوران نیب پراسیکیوٹر وسیم جاوید، نیب گواہان ولایت خان اور محمد ناصرخان کے علاوہ وکلاء صفائی عدالت پیش ہوئے، عدالت نے ملزمان کی حاضری لگائی، اس موقع پر آصف زرداری کی جانب سے ایک روزہ حاضری سے استثنی کی درخواست دی گئی جسے عدالت نے منظور کرلیا اور وقت کی کمی کے باعث سماعت17 مارچ تک کیلئے ملتوی کردی گئی۔
سابق صدر آصف زرداری، سابق وزیراعظم یوسف رضا گیلانی کیخلاف توشہ خانہ ریفرنس کی سماعت ملتوی
