راولپنڈی(کرائم رپورٹر) پولیس کا ایک اور اعزاز، راولپنڈی پولیس کی انسپکٹر ارم خانم نے پنجاب پولیس پاور لفٹنگ انٹر رینج مقابلوں میں گولڈ میڈل جیت لیا، راولپنڈی کی انسپکٹر ارم خانم نے پنجاب بھر میں پاور لفٹنگ میں پہلی پوزیشن حاصل کی، انسپکٹر ارم خانم نے 235 کلو وزن اٹھا کر ٹائٹل جیتا، مقابلوں میں دوسری پوزیشن لاہور پولیس اور تیسری پوزیشن ڈیرہ غازی خان پولیس نے حاصل کی۔ تفصیلات کے مطابق راولپنڈی پولیس کا ایک اور اعزاز، راولپنڈی پولیس کی انسپکٹر ارم خانم نے پنجاب پولیس پاور لفٹنگ انٹر رینج مقابلوں میں گولڈ میڈل جیت لیا، راولپنڈی کی انسپکٹر ارم خانم نے پنجاب بھر میں پاور لفٹنگ میں پہلی پوزیشن حاصل کی، انسپکٹر ارم خانم نے 235 کلو وزن اٹھا کر ٹائٹل جیتا، مقابلوں میں دوسری پوزیشن لاہور پولیس اور تیسری پوزیشن ڈیرہ غازی خان پولیس نے حاصل کی،انٹر رینج مقابلوں میں شاندار کارکردگی کے مظاہرہ اور پہلی پوزیشن حاصل کرنے پر سی پی او سید خالد ہمدانی نے انسپکٹر ارم خانم کو شاباش دیتے ہوئے کہا کہ پولیس افسران کو کھیلوں کے مواقع فراہم کر کے انکی صلاحیتوں کو سامنے لانے کے لئے پنجاب پولیس تمام وسائل بروئے کار لا رہی ہے، راولپنڈی پولیس کے افسران نہ صرف نیشنل بلکہ انٹرنیشنل لیول پر بھی اپنی صلاحیتوں کا لوہا منوا چکے ہیں۔
