اسلام آباد(کرائم رپورٹر)ایف آئی اے این سی بی انٹرپول کی بڑی کاروائی قتل کے مقدمے میں مطلوب اشتہاری ملزم قطر سے گرفتار ،گرفتار ملزم کی شناخت سخی رحمان کے نام سے ہوئی ملزم کو قطر سے گرفتار کر کے اسلام آباد ائرپورٹ منتقل کر دیا گیا ، گرفتار ملزم کے پی پولیس کو مطلوب تھا ملزم کے خلاف سال 2024 میں قتل کی دفعات کے تحت مقدمہ درج تھا ،ملزم کے خلاف تھانہ یعقوب خان شہید، کرک میں مقدمہ درج تھا۔
ملزم قتل کر کے بیرون ملک فرار ہو گیا تھا.
ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا ،ملزم کو بعد ازاں ایف آئی اے امیگریشن اسلام آباد نے کے پی پولیس حکام کے حوالے کر دیا ،ملزمان کی حوالگی انٹرپول اسلام آباد کی انٹرپول دوحا کے ساتھ قریبی رابطہ کاری کی وجہ سے ممکن ہوئی ،جدید ٹیکنالوجی سے آراستہ این سی بی انٹرپول 24/7 پوری دنیا کے ساتھ رابطے میں ہے،ملزمان کی گرفتاری کے لئے تمام تر وسائل کو بروئے کار لایا جا رہا ۔
