اسلام آباد (نیوز رپورٹر)آسٹریلیا کے ہائی کمشنر نیل ہاکنز کی وفاقی وزیرمواصلات،نجکاری وسرمایہ کاری بورڈ عبدالعلیم خان سے ملاقات وفاقی وزیر اور آسٹریلوی ہائی کمشنر کے درمیان باہمی دلچسپی اور دو طرفہ تعاون کے فروغ سے متعلق مختلف امور پر گفتگو وفاقی وزیرمواصلات،نجکاری وسرمایہ کاری بورڈ عبدالعلیم خان نے کہا کہ آسٹریلیا اور پاکستان کے دو طرفہ تعلقات ہمیشہ ہی خوشگوار اور گرم جوشی پر مبنی رہے ہیں پاکستان اور آسٹریلیا طلباء کیلئے وظائف، فوڈ وواٹر سکیورٹی جیسے امور پر تعاون کررہے ہیں پولیو،ایڈز،ملیریا کے خلاف لڑائی میں آسٹریلیا کی مدد کو پاکستان قدر کی نگاہ سے دیکھتا ہے دونوں ملکوں کے درمیان معاشی تعاون کو مزید فروغ دینے کی ضرورت ہے،موسمیاتی تبدیلی اور معاشی ترقی کیلئے باہم مل کر کام کرنے سے تعلقات مزید مضبوط ہوں گے.
انہوں نے کہا کہ پاکستان اس وقت چاول،لوہے کی مصنوعات،مصالحہ جات اور ٹیکسٹائل مصنوعات آسٹریلیا کو برآمد کر رہا ہے پاکستان آسٹریلیا کو موجودہ برآمدات کی مقدار بڑھانا اور نئی درآمدات شامل کرنا چاہتا ہے، زرعی مصنوعات اور قدرتی دھاتوں کی پاکستان سے آسٹریلیا برآمد کے وسیع امکانات موجود ہیں دونوں ممالک کے درمیان کھیل کے میدان کے ذریعے باہمی تعلقات کے فروغ کے مواقع موجود ہیں ، فاقی وزیر عبدالعلیم خان نے مزید کہا کہ غیر ملکی سرمایہ کاروں کے لیے پاکستان میں اس وقت ماحول انتہائی سازگار ہے، غیر ملکی سرمایہ کاروں کی حوصلہ افزائی اور سہولت کاری کے لیے متعلقہ اداروں میں ضروری اصلاحات کی گئی ہیں.
آسٹریلیا کے ہائی کمشنر نیل ہاکنز ک نے کہا کہ معاشی تعلقات اور سرمایہ کاری کے لئے پاکستان کی موجودہ حکومت کے اقدامات حوصلہ افزا ہیں ہم پاکستان کے ساتھ باہمی شراکت داری کے تمام امکانات پر کام کرنے کے لئے پر عزم ہیں.
