اسلام آباد(کرائم رپورٹر)نیشنل پولیس فاؤنڈیشن کاروباری شخصیات اور دیگر اداروں کے اشتراک سے پولیس فلاحی منصوبوں کی تکمیل و توسیع کو یقینی بنائے گاایم ڈی نیشنل پولیس فاؤنڈیشن کا این پی ایف ڈائریکٹرز کے ساتھ اہم اجلاس،این پی ایف رئیل اسٹیٹ پراجیکٹس، نیشنل پولیس فاؤنڈیشن کی مصنوعات اور جدید ٹیکنالوجی کے موثر استعمال پر تبادلہ خیال کیا ، تفصیلات کے مطابق نیشنل پولیس فاؤنڈیشن میں جدتوں کے اضافہ کے ساتھ پاکستان بھر کی پولیس فورس کے لئے دور جدید کے تقاضوں کے عین مطابق ویلفیئر پراجیکٹس کا سلسلہ جاری ہے،ایم ڈی نیشنل پولیس فاؤنڈیشن سید علی ناصر رضوی نے این پی ایف ڈائریکٹرز کے ساتھ اہم اجلاس منعقد کئے.
جن میں کاروباری شخصیات اور اداروں کے اشتراک کے ساتھ پولیس فلاحی منصوبوں کی تکمیل و توسیع،این پی ایف رئیل اسٹیٹ پراجیکٹس، نیشنل پولیس فاؤنڈیشن کی مصنوعات اور جدید ٹیکنالوجی کے موثر استعمال پر تبادلہ خیال کیا گیا،ایم ڈی نیشنل پولیس فاؤنڈیشن نے تمام ڈائریکٹرز کی کارکردگی اور انہیں دیئے گئے ٹاسکس پر عملدرآمد کا جائزہ لیا،اس موقع پر انہوں نے کہا کہ نیشنل پولیس فاؤنڈیشن صحت،تعلیم اور رئیل اسٹیٹ کی دنیا میں پولیس افسرا ن و جوانوں اور شہریوں کو مستفید کرنے کے لئے تیا ر ہے،تمام افسران دن رات ایک کرکے شہداء پولیس کے اہلخانہ،غازیوں اور دیگر پولیس افسران کی ویلفیئر کے لئے بھرپور کام کریں .
نیشنل پولیس فاؤنڈیشن تمام شہداء کے اہلخانہ،غازیوں اور پولیس افسران کی فلاح و بہود کے لئے بھرپور اقدامات اٹھارہی ہے،تمام پولیس افسران کے لئے جدید سہولیات سے مزید رہائشی پراجیکٹس،بچوں کے تعلیم و تربیت کے لئے سکول و کالجز اور صحت کی سہولیات بہم پہنچانے کے لئے جاری پراجیکٹس کو ناصر ف مزید فعال کیا جا رہا ہے،بلکہ مستقبل میں مزید کئی نئے پراجیکٹس کو شروع بھی کیا جائے گا.
