اسلام آباد (نیوز رپورٹر)وزارت ہاؤسنگ اینڈ ورکس نے الاٹمنٹ آ ف ٹمپریری اکاموڈیشن ان فیڈرل لاجز اینڈ ہاسٹل رولز، 2025 کا اجرا کر دیا ہے، ان قواعد کا مقصد رہائش کی الاٹمنٹ کو منظم کرنا اور اور احتساب کو برقرار رکھتے ہوئے فیڈرل لاجز اور ہاسٹلز کے اندر بہتر کارکردگی کو یقینی بنانا ہے۔
ان قوانین کے تحت شیڈول میں متعین تمام لاجز اور ہاسٹلز کا انتظام متعلقہ انتظامی ڈویژن کرے گی اور ابتدائی الاٹمنٹ کی مدت 3 سال مقرر کی گئی ہے، جس کی فراہم کردہ وجوہات پر انحصار کرتے ہوئے زیادہ سے زیادہ 2 اضافی سال تک سالانہ بنیادوں پر توسیع کا امکان ہے، یہ بیچلر اور سنگل رومز دونوں پر لاگو ہوتا ہے.
قوانین اس الاٹمنٹ کے عمل کا خاکہ پیش کرتے ہیں جو خالصتاً پہلے آئیے، پہلے پائیے کی بنیاد پر ہوگی اور الاٹیز اپنے قیام کے دوران ہونے والے کسی بھی نقصان کا ازالہ کریں گے اور اسی طرح کے تمام اخراجات برداشت کریں گے، قواعد و ضوابط میں احاطہ کردہ دیگر اہم دفعات کیٹرنگ اینڈ سپلائیز ، ڈیکورم، الاٹیز کے لئے کسی بھی واجبات کو وقت پر ادا کرنے اور شکایات کے لئے ایک رجسٹر کی دستیابی سے متعلق ہیں ، اس کے علاوہ الاؤمنٹس کی منسوخی اور بے دخلی کے طریقہ کار کی وضاحت بھی کی گئی ہے۔
