اسلام آ باد( نیوزرپورٹر) وفاقی وزیر اوورسیز پاکستانیز چوہدری سالک حسین سے گورنرخیبرپختونخوا فیصل کریم کنڈی کی ملاقات ،ملاقات میں بیرون ممالک روز گار اور ہنر کی فراہمی کے حوالے سے مختلف تجاویز پر تبادلہ خیال کیا .وفاقی وزیر چوہدری سالک حسین نے کہا بیرون ملک روز گار کی فراہمی کے حوالے سے خیبرپختونخوا ترجیحات میں شامل ہے حکومت نوجوانوں کو میرٹ اور صلاحیت کی بنیاد پر مواقع فراہم کرنے کیلئے پر عزم ہے اسلام آباد کے بعد پنجاب نے بھی اوورسیز پاکستانیوں کیلئے خصوصی عدالتیں قائم کرنے کی منظوری دی ہے. انہوں نے کہا خیبر پختونخوا میں بھی اوورسیز پاکستانیوں کے مسائل کے حل کیلئے خصوصی عدالتوں کے قیام کیلئے قانون سازی کی ضرورت ہے پنجاب کی طرز پر خیبرپختونخوا میں خصوصی اوورسیز عدالتوں کا قیام ضروری ہے.
گورنر خیبرپختونخواہ فیصل کریم کنڈی نے کہا خیبرپختونخوا کے لوگوں کو بیرون ممالک میں روز گار کے حوالے سے مسائل کا سامنا ہے،ڈیرہ اسماعیل خان میں لیبر کالونی، اسپتال اور پروٹیکٹر آفس کا قیام ضروری ہےخیبر پختو خوا کے لوگوں کیلئے بیرون ممالک نوکریوں اور ہنر کی فراہمی کے پروگرامز میں کوٹہ مختص کیا جائے گورنر فیصل کریم کنڈی نے خیبرپختونخوا میں اوورسیز پاکستانیوں کیلئے خصوصی عدالتوں کے قیام کیلئے ہر ممکن تعاون کی یقین دہانی کرائی.
