اسلام آباد (سٹاف رپورٹر )صدر مملکت آصف علی زرداری نے ضلع آواران میں فتنتہ الہندوستان کے خلاف کامیاب آپریشن کے دوران 3 دہشت گرد وں کوجہنم واصل کرنے پر سیکیورٹی فورسز کو خراج تحسین پیش کیا ہے ۔ ایوان صدر کے پریس ونگ سے جاری بیان میں صدر مملکت نے انٹیلیجنس پر مبنی کارروائی کے دوران فتنۃ الہندوستان کے سپانسرڈ دہشت گردوں کا قلع قمع کرنے پر سکیورٹی فورسز کی بہادری کو سراہا۔
صدر مملکت نے کارروائی کے دوران جامِ شہادت نوش کرنے والے میجر سید ربنواز طارق شہید کو خراجِ عقیدت پیش کیا اور کہا کہ قوم اپنے بہادر شہداء کی قربانیوں کو ہمیشہ یاد رکھے گی۔ صدر مملکت نے شہداء کے لواحقین کے ساتھ اظہار ہمدردی کیا اور صبر جمیل کی دعا کی ۔
صدر مملکت نے کہا کہ دہشت کے مکمل خاتمے تک سیکیورٹی فورسز کی کارروائیاں جاری رہیں گی، دہشت گرد عناصر کے خاتمے اور ملکی دفاع کیلئے ہمارا عزم غیر متزلزل رہے گا۔ انہوں نے فتنۃ الہندوستان کے مکمل خاتمے کے قومی عزم کا اظہار کیا
