انسٹا گرام صارفین پر بڑی پابندی عائد

اسلام آبا د (سپیشل رپورٹر)اگر آپ انسٹا گرام پر لائیو اسٹریمنگ کرنا پسند کرتے ہیں تو ایک بڑے دھچکے کے لیے تیار ہو جائیں۔ اب انسٹا گرام کی جانب سے صارفین پر ایک پابندی عائد کی گئی ہے جس کے تحت اب صرف وہ افراد ہی فوٹو شیئرنگ ایپ میں لائیو اسٹریم کرسکیں گے جن کے فالوورز کی تعداد کم از کم ایک ہزار ہوگی۔ اس سے قبل انسٹا گرام پر ہر فرد ہی لائیو اسٹریمنگ کر سکتا تھا چاہے اسے کوئی فالو کرتا ہو یا نہ کرتا ہو۔ اس حوالے سے کمپنی کی جانب سے کم فالوورز والے صارفین کو ایک نوٹس بھیجا گیا ہے۔ اس نوٹس میں بتایا گیا کہ آپ کا اکاؤنٹ لائیو اسٹریمنگ کا اہل نہیں، ہم نے اس فیچر کو استعمال کرنے کی اہلیت کو تبدیل کر دیا ہے، اب صرف ایک ہزار یا اس سے زائد فالوورز والے پبلک اکاؤنٹس ہی لائیو ویڈیوز تیار کرسکتے ہیں۔