اسلام آباد (سٹاف رپورٹر) آئل اینڈ گیس ریگولیٹری اتھارٹی (اوگرا) نے کراچی میں لبریکنٹ آئل کے بارے میں آگاہی سمینار منعقد کیا جس کا مقصد لبریکنٹ کی بلینڈنگ / ری کلیمیشن، بیس آئل، ایچ ایس ای اور ِ فضلا تلفی(ویسٹ ڈسپوزل) کے صنعت میں جدید تکنیکوں کا تبادلہ خیال کرنا تھا ،اس تقریب میں اوگرا اتھارٹی کے ممبران اور ماہرین ِ صنعت کو مدعو کیا گیا تاکہ وہ اپنی آرہ /پرزینٹیشن پیش کریں۔ جناب مسرور خان، چیئرمین اوگرا نے زوم لنک کے ذریعے شرکت کی اور صنعت میں جدت کی اہمیت پر روشنی ڈالتے ہوئے بتایا کہ اوگرا اس شعبے کی سیفٹی اور ڈیجیٹائزیشن پر توجہ مرکوز کیے ہوئے ہے۔ جناب زین العابدین قریشی، ممبر(آئل) نے اوگرا ٹیم کے اقدام کی تعریف کی اور تمام شرکاء کا خیرمقدم کرتے ہوئے کہا کہ یہ سیمینار لوب آئل سیکٹر کےریگولیٹری رجیم پر آگاہی پر مبنی ہے اور اسٹیک ہولڈرز کی حوصلہ افزائی کی کہ وہ اس شعبے میں جدت کے ذریعے پیداوری اور کارکردگی کو بڑھائیں۔
مزید شرکا میں صنعت کے ماہرین جن میں مسٹر شہباز علی، نیشنل ریفائنری لمیٹڈ، مسٹر کنور مجیب احمد، “لیوبریکنٹ ایکسپرٹ”، سید احسان شاہ رخ، پارکو گونور لمیٹڈ (سابقہ ٹوٹل پارکو پاکستان لمیٹڈ)، مسٹر محمد ساجد، ہائیڈروکاربن ڈویلپمنٹ آف پاکستان اور ڈاکٹر محسینہ زبیر، ڈائریکٹر ، پاکستان ماحولیاتی تحفظ ایجنسی (پاک-ای پی اے) شامل تھے ،جنہوں نے مختلف موضوعات پر اپنی آرہ / پرزنٹیشن پیش کیں،ان موضوعات میں روایتی بلنڈنگ کے طریقوں اور جدید بلینڈنگ کی ٹیکنالوجی کا مختصر جائزہ شامل تھا، موجودہ ریکلیمشن کے نظام اور لوب بلینڈنگ ، ہیلتھ ، سیفٹی اور انوائرنمنٹ کے ساتھ پاکستان ہائیڈرو کاربن کا کردار بھی زیر غور آیا ۔
