اسلام آبا د(سٹاف رپورٹر)پاکستان عوامی تحریک کی سابق امیدوار برائے قومی اسمبلی حلقہ این اے-51، یمنہ اشفاق نے پاکستان پیپلز پارٹی میں شمولیت کا اعلان کر دیا انہوں نے یہ اعلان پیپلز پارٹی سینٹرل سیکریٹریٹ اسلام آباد میں پارٹی رہنماؤں سیکریٹری جنرل (PPPP) جناب سید نیئر حسین بخاری اور سید سِبط الحیدر بخاری (انچارج سینٹرل سیکریٹریٹ) سے ملاقات کے دوران کیا۔
محترمہ یمنہ اشفاق نے پیپلز پارٹی کی قیادت پر اعتماد کا اظہار کرتے ہوئے کہا کہ وہ پارٹی کے پلیٹ فارم سے عوامی خدمت کا مشن جاری رکھیں گی۔ پارٹی قیادت نے ان کی شمولیت کو خوش آئند قرار دیا اس موقع پر سردار عدیل یوسف اور سید اعجاز شاہ ایڈووکیٹ بھی موجود تھے وفد میں شامل افراد جاوید اقبال،حفظہ اشفاق، حور النساء ،فائزہ ایڈوکیٹ، رضوانہ شاہین، رمشاہ جاوید، اشرت پروین ، حاجی محمد رشید ،عبداللہ بن جاوید ، یاسمین اختر اور ان کے ساتھ ائے ہوئے دیگر معززین علاقہ نے شمولیت کا اعلان کیا.
