اسلام آبا د (سٹاف رپورٹر )وفاقی وزیر مذہبی امور سردار محمد یوسف نے سرکٹ ہائوس مانسہرہ میں اپنی ضلعی ٹیم کے ہمراہ ضلعی انتظامیہ سے حالیہ سیلابی صورتحال پر اجلاس میں تفصیلی بات چیت کی۔ اجلاس میں انتظامیہ سے امدادی کاروائیوں اور متاثرہ لوگوں کی بحالی کیلئے اقدامات کا جائزہ لیا گیا۔
انہوں نے انتظامیہ کو رابطہ سڑکوں کی بحالی سمیت آبنوشی سکیموں کی بحالی کیلئے فوری اقدامات کی ہدایت کی۔ ان کا کہنا تھا کہ وفاقی حکومت ہر قسم کا تعاون فراہم کرنے کیلئے تیار ہے، اگر صوبائی حکومت کے پاس وسائل ہیں تو ابھی تک امدادی کاروائیاں کیوں سست روی کا شکار ہیں ۔ انہوں نے کہا کہ اب بھی وفاقی حکومت بلا تفریق تعاون کرنے کو تیار ہے تاکہ متاثرہ لوگوں کی جلد بحالی کو ممکن بنایا جا سکے۔
