لاہور ( سٹاف رپورٹر ) وزیر اطلاعات پنجاب عظمیٰ بخاری نے کہا کہ پنجاب حکومت نے آٹے کے 10 کلو تھیلے کی قیمت 905 روپے مقرر کردی ہے۔صوبائی وزیر عظمیٰ بخاری نے کہا کہ 20 کلو آٹے کے تھیلے کی قیمت 1810 روپے مقرر کی گئی ہے، روٹی کی قیمت 14 روپے مقرر ہے۔
عظمیٰ بخاری نے کہا کہ سیلاب کی آڑ میں قیمتیں بڑھانے کی اجازت نہیں دی جائے گی، اس حوالے سے پنجاب حکومت نے نوٹیفکیشن جاری کر دیا ہے، عظمیٰ بخاری نے آٹے اور روٹی کی قیمتوں کی نوٹیفکیشن بھی شیئر کردیئے۔
