اسلام آباد (سپیشل رپورٹر) کرپشن، بدعنوانی اور دہوکہ دہی میں ملوث سرکاری آفسر سمیت 6 ملزمان گرفتار ، ایف آئی اے اینٹی کرپشن سرکل اسلام آباد کا بڑا ایکشن ، کاروائی میں سرکاری اہلکار سمیت 6 ملزمان گرفتار ، گرفتار ملزمان میں محمد منیر، عابد علی، محمد عمران، عماد احمد، سعد احمد اور اشتیاق احمد شامل ، ملزم محمد منیر ایف جی ای ایچ ایف میں بطور ڈپٹی ڈائریکٹر تعینات تھا، دیگر گرفتار ملزمان کرپشن اور دہوکہ دہی سے حاصل کردہ رقوم کے بینیفشری ہیں ، ابتدائی تفتیش کے مطابق ملزمان اختیارات کا ناجائز استعمال کرتے جعل سازی اور دہوکہ دہی میں ملوث ہیں، گرفتار ملزمان موضع تھلہ سیداں جی 14 کی سب سیکٹرز کے سپلیمنٹری ایوارڈ آف بلٹ اپ پراپرٹیز (BUPs) میں جعل سازی اور کرپشن میں ملوث ہیں.
ملزمان نے مبینہ طور پر اصل مالکان کو دیے جانے والے بی یو پیز کے ساتھ ساتھ 5 بی یو پیز پر غیر قانونی طور پر پرائیویٹ افراد کو شریک مالک ظاہر کیا ، پرائیویٹ افراد نےجعلی کوائف کی بنیاد پر رقوم حاصل کیں،ملزمان نے سرکاری اہلکاروں کی ملی بھگت سے مذکورہ جعلسازی کی ، مذکورہ جعلسازی سے قومی خزانے کو لاکھوں روپے کا نقصان پہنچا، ملزمان کو گرفتار کر کے تفتیش کا آغاز کر دیا گیا ہے.
