لاہور (سٹاف رپورٹر )پنجاب پلاننگ اینڈ ڈویلپمنٹ بورڈ نے مالی سال 2025-26 کے صوبائی ترقیاتی ورکنگ پارٹی کے 29 ویں اجلاس میں مختلف سیکٹرز کی ترقیاتی سکیموں کے لئے 134ارب روپے کے فنڈز کی منظوری دے دی گئی اجلاس کی صدارت چیئرمین پی اینڈ ڈی بورڈ ڈاکٹر نعیم رئوف نے کی،اجلاس میں جن منصوبوں کی منظور ی دی گئی ان میں سی ایم انیشیٹو کے تحت نئے کالجز کی تعمیر کے لیے7ارب 47 کروڑ ، سی ایم انیشیٹو کے تحت پہلے سے موجود یونیورسٹیوں کے سب کیمپسز کی تعمیر اور اپگریڈیشن کے لیے2 ارب روپے، پنجاب ڈیویلپمنٹ پروگرام کے تحت مختلف اضلاع میں ترقیاتی کاموں کے لیے 124ارب روپے کی منظوری دی گئی۔
اس رقم سے مختلف اضلاع جن میں ساہیوال ، لودھراں، خانیوال، ٹوبہ ٹیک سنگھ ، فیصل آباد ،بہاولپور، وہاڑی، کوٹ ادو ، سیالکوٹ، اٹک ، شیخوپورہ،سرگودھا، ناروال،اوکاڑہ، قصور اور وزیر آباد کے اضلاع شامل ہیں میں سیوریج ، نکاسی آب اور دیگرترقیاتی کام کئے جائیں گے صوبائی ترقیاتی ورکنگ پارٹی اجلاس میں پنجاب آرکائیو فیز تھری کی ڈیجیٹلائزیشن کے پوزیشن پیپر، پنجاب میں بزنس فسلیٹیشن ای بز پورٹل کے لیے پوزیشن پیپر ، پنجاب ای کامرس انیشیٹو کے پوزیشن پیپر ، چیف منسٹر آئی ٹی انٹرنشپ پروگرام کے پوزیشن پیپر ، پرفارمنس مینجمنٹ اینڈ ریفارمز یونٹ آئی اینڈ سی ونگ، ایس اینڈ جی اے ڈی کے پوزیشن پیپر ، پنجاب میں ان لائن شماریاتی نظام کے پوزیشن پیپر کی منظور بھی دی گئی ۔ اجلاس میں سیکرٹری پی اینڈ ڈی رفاقت علی ، چیف اکانومسٹ مسعود انور،ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔
