اسرائیلی حملہ قطر کے لیے امن کا موقع بھی ثابت ہو سکتا ہے، امریکی صدر ڈونلڈ ٹرمپ

واشنگٹن(مانیٹرنگ ڈیسک )امریکی صدر ڈونلڈ ٹرمپ نے کہا ہے کہ قطر امریکا کا اہم اتحادی ملک ہے۔العربیہ اردو کے مطابق انہوں نے صحافیوں سے بات کرتے ہوئے کہا کہ فلسطین سے نمٹنے کا طریقہ کار اسرائیل کا اپنا فیصلہ ہے ڈونلڈ ٹرمپ نےسوشل میڈیا پلیٹ فارم ٹروتھ سوشل پر کہا کہ قطر پر حملے کا فیصلہ اسرائیلی وزیر اعظم نے کیا اس میں ان کا کوئی کردار نہیں تھا انہوں نے کہا کہ ان کی رائے میں یہ افسوسناک حملہ قطر کے لیے امن کا ایک موقع بھی ثابت ہو سکتا ہے۔ٹرمپ نے اس بات پر بھی زور دیا کہ انہوں نے قطری قیادت کو یقین دہانی کرائی ہے کہ ان کی سرزمین پر اس طرح کا واقعہ دوبارہ نہیں ہوگا۔