اسلام آباد (کرائم رپورٹر )آئی جی اسلام آباد سید علی ناصر رضوی کا شہر کے مختلف مقامات کا دورہ ڈیوٹی پر مامور اسلام آباد پولیس اور دیگر قانون نافذ کرنے والے اداروں کے افسران وجوانوں سے ملاقات کی اور حوصلہ افزائی کی،امن و امان کی صورتحال سے نمٹنے کے لئے ہمہ وقت تیار رہیں،حالات جیسے بھی ہوں اسلام آباد پولیس ہر طرح کے حالات سے نمٹنے کیلئے تیار ہے ۔
تفصیلات کے مطابق انسپکٹر جنرل آف پولیس اسلام آ باد سید علی ناصر رضوی نے فیض آباد اور شہرکے مختلف ڈیوٹی پوائنٹس کا دورہ کیا،انہوں نے فرائض منصبی کی ادائیگی پرمامور اسلام آباد پولیس ،دیگر قانون نافذ کرنے والے اداروں کے افسران اور جوانوں کے ساتھ ملاقات کی ان کی حوصلہ افزائی کی اور بہترین فرائض کی انجام دہی پر شاباش دی،اس موقع پر سینئر پولیس افسران بھی موجود تھے،آئی جی اسلام آباد نے کہا کہ ہم لاءاینڈآرڈر صورتحال سے قانون کے مطابق نمٹنے کے لئے ہمہ وقت تیار رہیں .
اسلام آباد پولیس وفاقی دارلحکومت اسلام آباد میں امن و امان میں خلل ڈالنے کی ہرگز اجازت نہیں دے گی اور شہریوں کی جان و مال اور نجی وسرکاری املاک کے تحفظ کے لئے ضروری اقدامات اٹھاتے ہوئے تمام تر وسائل بروئے کار لا ئے گی،،انہوں نے تمام سینئر پولیس افسران کو ہدایات دیتے ہوئے کہا کہ وہ کسی بھی لاءاینڈ آرڈر صورتحال سے نمٹنے کے لئے نفری کو بریف کریں اور تمام ڈیوٹی کو خود چیک کریں، ڈیوٹی پر تعینات تمام افسران و جوانوں کو مکمل ساز وسامان کے ساتھ بھیجا جائے، افسران شہر کے مختلف علاقوں کا دورہ کریں اور ان ہدایات پر عمل درآمد کو یقینی بنائیں.
