اسلام آباد(کرائم رپورٹر )سیف سٹی اسلام آباد میں نئے ترقی یاب ہونے والے افسرا ن کے اعزاز میں تقریب۔ڈی جی سیف سٹی / ڈی آئی جی ہیڈ کوارٹرز نے اگلے عہد وں پر ترقی پانے والے افسران کو رینک لگائے، آپکی محنت،بہادری اور حوصلے کو سلام پیش کرتا ہوں،نئی ذمہ داریوں کو بطریق احسن اور دلجمعی سے سرانجام دیں،محمد ہارون جوئیہ
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات پراسلام آباد پولیس میں محکمانہ ترقیوں کا سلسلہ جاری ہے،اس سلسلے میں سیف سٹی اسلام آباد میں نئے ترقی یاب ہو نے والے افسران کو رینک لگانے کی پروقار تقریب کا انعقاد کیا گیا،تقریب میں ڈی جی سیف سٹی/ ڈی آئی جی ہیڈ کوارٹرز محمد ہارون جوئیہ نے بطور مہمان خصوصی شرکت کی،اس موقع پر دیگرسینئر افسران بھی موجود تھے، ڈی جی سیف سٹی نے ترقی پانے والے پولیس افسران کو رینک لگائے،انہیں مبارک باد پیش کی اور ان کےلئے نیک خواہشات کا اظہار کیا،اس موقع پر ڈی جی سیف سٹی نے تقریب میں شامل پولیس افسران کو خوش آمدید کہا اور انکو مبارکباد پیش کی اور کہا کہ آپکی محنت، لگن،بہادری، ہمت اور حوصلے کو سلام پیش کرتا ہوں،میری دعا ہے آپکو جو ترقی ملی جو رینک نصیب ہوئے آپ اسکے ساتھ انصاف کریں،آپکے بچے آپکو اپنا ہیرو سمجھیں،آ پ کے والدین آپ پر فخر محسوس کریں،ہم ہر کوشش کریں گے کہ آ پ اور آپ کے اہلخانہ کے چہروں پر خوشیاں لائیں، لیکن اس کے بدلے آپ نے مجرمان کا قلع قمع کرنا.
شہریوں کو فوری انصاف مہیا کرنا اور انکی جان و مال کے تحفظ کو یقینی بنانے کے وعدے کی تجدید کرنی ہے،انہوں نے مزیدکہا کہ اللہ کی خوشنودی حاصل کرنے کا واحد راستہ اللہ کے بندوں کیلئے آسانیاں پیدا کرنا ہے،اللہ کے فضل و کرم سے یہ غازیوں اور شہیدوں کا محکمہ ہے،ہم نہ غازی بننے سے ڈرتے ہیں نہ شہید ہونے سے ڈرتے ہیں،صرف و صرف بہادری کی داستانیں رقم کرنے آتی ہیں،اپنی بات کو مختصر کرتے ہوئے کہوں گا کہ یاد رکھیئے گا کہ ترقی اللہ کی دی ہوئی امانت ہے، محکمہ میں جو ذمہ اری ملے اسے ہر صورت پورا کرنا ہے ،میں امید کرتاہوں کہ آپ نئی ذمہ داریوں کو بطریق احسن اور دلجمعی سے سرانجام دیں۔
