کراچی (کامرس رپورٹر ) خواتین صنعتی مزدوروں کے لیے مفت الیکٹرک موٹرسائیکل منصوبے کا آغاز ہوگیا، درخواست دینے کا طریقہ بھی سامنے آگیا ورکرز ویلفیئر بورڈ سندھ کے تحت 10 ہزار مفت الیکٹرک موٹرسائیکلیں خواتین کو فراہم کرنے کے منصوبے کا باضابطہ آغاز کر دیا گیا ہے وزیر محنت سندھ شاہد تھہیم کے مطابق خواتین صنعتی مزدوروں کی رجسٹریشن کا عمل شروع ہوچکا ہے، اور درخواستیں بورڈ کی آفیشل ویب سائٹ www.wwbsindh.gov.pk پر جمع کرائی جا سکتی ہیں۔
انہوں نے بتایا کہ قرعہ اندازی ڈیجیٹل نظام کے ذریعے کی جائے گی تاکہ شفافیت برقرار رہے اور کسی قسم کی انسانی مداخلت نہ ہو اہلیت کے معیار کے مطابق 45 سال تک کی خواتین صنعتی مزدور اس اسکیم کے لیے درخواست دینے کی اہل ہیں، جبکہ اقلیتوں کے لیے 20 فیصد کوٹہ مختص کیا گیا ہے درخواست گزاروں کو موٹرسائیکل کے حصول سے قبل ڈرائیونگ لائسنس حاصل کرنے کے لیے 60 دن کی مہلت دی جائے گی شاہد تھہیم کا کہنا تھا کہ خواتین ملک کی نصف آبادی ہیں اور ان کو بااختیار بنائے بغیر ترقی کا خواب ادھورا ہے خیال رہے کہ وزیر محنت و افرادی قوت و چیئرمین ورکرز ویلفیئر بورڈ سندھ شاہد تھہیم کی زیر صدارت ورکرز ویلفیئر بورڈ کا 33 واں اجلاس منعقد ہوا تھا۔جس میں 10 ہزار صنعتی خواتین ورکرز کو ای بائیکس کی فراہمی سے متعلق اسکیم منظور کی گئی تھی۔
