راولپنڈی(کرائم رپورٹر) سٹی ٹریفک پولیس راولپنڈی کے ھیڈ کوارٹرز میں ڈرائیورز کی آگاہی کا سلسلہ جاری۔ گزشتہ ہفتے کی طرح آج پھر رکشہ ڈرائیورز اور بائیکیا رائیڈرز کے لئے روڈ سیفٹی ورکشاپ کا انعقاد کیا گیا، تفصیلات کے مطابق سٹی ٹریفک پولیس راولپنڈی کی جانب سے ھیوی ٹرانسپورٹ ڈرائیورز ، ٹریکٹر ٹینکر ڈرائیورز اور رکشہ و بائیکیا ڈرائیورز کے ساتھ ساتھ تمام روڈ یوزرز کے لئے محفوظ ماحول فراہم کرنے کی کوششیں جاری ہیں، اسی تسلسل میں چیف ٹریفک آفیسر راولپنڈی بینش فاطمہ کی ہدایت پر آج بھی ٹریفک ھیڈ کوارٹرز ریس کورس میں رکشہ ڈرائیورز اور بائیکیا رائیڈرز کے لئے روڈ سیفٹی اور ٹریفک قوانین سے آگاہی سے متعلق ورکشاپ کا انعقاد کیا گیا، شرکاۓ ورکشاپ سے خطاب کرتے ھوۓ ڈی ایس پی ٹریفک ھیڈکوارٹرز نے سڑکوں کو محفوظ بنانے کے لئے ٹریفک پولیس اور عوام کے درمیان تعاون کی اہمیت پر روشنی ڈالی، اس موقع پر ان کا کہنا تھا کہ یہ سیشن رکشہ اور بائیکیا ڈرائیورز کی ٹریفک قوانین سے آگاہی اور ان کے مسائل کو اجاگر کرنے کے لئے ترتیب دیا گیا تھا، انھوں نے رکشہ و بائیکیا ڈرائیورز کو ٹریفک قوانین پر سختی سے عمل کرنے کی ترغیب دی ،انھوں نے ورکشاپ کے شرکاء کو ڈرائیونگ لائسنس کی اہمیت اور سٹی ٹریفک پولیس کی طرف سے رکشہ و موٹر سائیکل ڈرائیورز کے لئے جاری خصوصی لائسنسنگ مہم کے بارے میں بھی آگاہ کیا .
انہوں نے غلط پارکنگ جیسے مسائل سے اجتناب کرنے کی ہدایت کی، ورکشاپ کے دوران متعلقہ برانچ انچارجز نے شرکاء کو ڈرائیونگ لائسنس کے حصول کے عمل، مختلف روڈ سیفٹی سائنز کے معنی اور چالاننگ کے معاملات پر جامع بریفنگ دی اور شرکاء کو ان معاملات کے بارے میں آگاہی فراہم کی جس سے وہ اپنی ذمہ داریوں کو بہتر طریقے سے نبھا سکیں، ڈی ایس پی ٹریفک ھیڈ کوارٹرز نے تمام روڈ یوزرز سے اپیل کی کہ وہ سٹی ٹریفک پولیس راولپنڈی کے مشن میں شامل ہو کر سب کے لئے محفوظ اور صاف سڑکوں کی کوشش میں اپنے حصے کی ذمہ داری نبھائیں ، ورکشاپ میں مختلف روڈ سیفٹی ویڈیوز، سڑک پر استعمال ہونے والے اشارے اور سوال و جواب کے سیشن بھی شامل تھے، جنہوں نے شرکاء کو اپنے سوالات کے جوابات حاصل کرنے اور تجربات شیئر کرنے کا موقع فراہم کیا، اس ورکشاپ نے شرکاء اور ٹریفک پولیس کے نمائندوں کے درمیان مثبت بات چیت کے ماحول کو فروغ دیا، سٹی ٹریفک پولیس راولپنڈی روڈ سیفٹی آگاہی کو فروغ دینے کے لئے اس طرح کے اقدامات کرنے کے لئے پرعزم ہے، یہ ورکشاپس سی ٹی او راولپنڈی بینش فاطمہ کے ایک وسیع وژن کا حصہ ہیں جس کا مقصد ایک ایسا ٹریفک نظام تشکیل دینا ہے جو حفاظت،صاف سڑکوں، اور عوامی تعاون کو ترجیح دے۔
