اسلام آ باد(کرائم رپورٹر) اسلام آبادپولیس سے ریٹائرڈ ہونے والے افسران کے اعزاز میں ایس پی صدر زون کے دفتر میں پر وقارالوداعی تقریب کا انعقاد ایس پی صدر زون نے ریٹائرڈ پولیس افسران کو اعزازی شیلڈ زپیش کی اور مستقبل کیلئے نیک تمناﺅ ں کا اظہار کیا تفصیلات کے مطابق اسلام آباد پولیس سے ریٹائرڈ ہونے والے پولیس افسران کے اعزاز میں ایس پی صدر زون کے دفتر میں پروقارالوداعی تقریب کا انعقاد کیا گیا ، تقریب میں ایس پی صدر خان زیب نے بطور مہمان خصوصی شرکت کی، اس موقع پر ایس ڈی پی اوز ،ایس ایچ اوز سمیت دیگر پولیس افسران بھی موجود تھے، ایس پی صدر نے اسلام آباد پولیس سے ریٹائرڈ ہونے والے انسپکٹر ملک لیاقت علی اور اسسٹنٹ سب انسپکٹر جاوید اقبال کی خدمات کو سراہتے ہوئے کہا کہ ان افسران نے اسلام آباد پولیس میں لگن اورایمانداری کے ساتھ اپنی فرائض سر انجام دئیے .
اور اسلام آباد پولیس کو ایک مثالی فورس بنانے کے لئے ان کی خدمات کو ہمیشہ یاد رکھا جائے گا،ریٹائرڈ ہونے والے افسران نے اسلام آباد پولیس کی مختلف ڈویڑنز میں اپنی خدمات سرانجام دیں،تقریب کے اختتام پر ایک پی صدر زون نے ریٹائرڈ ہونے والے پولیس افسر ان کواعزازی پولیس شیلڈز پیش کی اور مستقبل کیلئے نیک تمناﺅ ں کا اظہار کیا،انہوں نے مزید کہاکہ ریٹائرڈ ہونے والے پولیس افسران کی خدمات کو ہمیشہ یاد رکھا جائے گا کیونکہ انہوں نے فورس کے امیج کو بہتر بنانے میں اہم کردار ادا کیاہے.
