اسلام آ باد (کرائم رپورٹر)ڈی آئی جی اسلام آباد سید علی رضا نے بہتر ین کارکردگی کا مظاہر ہ کرنے والے ڈولفن سکو اڈ کے 12 افسران میں تعریفی اسناد اور نقد انعامات تقسیم کئے ،ڈولفن افسران نے دوران چیکنگ جر ائم پیشہ عناصر اور ا شتہا ری مجرمان کی گرفتار ی عمل میں لا تے ہو ئے مسروقہ مو با ئل فونز اور غیر قا نونی اسلحہ برآمد کیا،تمام افسران جانفشانی اور بہادری سے اپنے فرائض منصبی سرانجام دیں تفصیلات کے مطابق ڈپٹی انسپکٹر جنرل آف پولیس اسلام آباد سید علی رضانے فرائض کی انجام دہی کے دوران بہتر ین کارکردگی کامظاہرہ کرنے والے ڈولفن سکو اڈ کے 12افسران میں تعریفی اسناد اور نقد انعامات تقسیم کئے،ڈولفن اسکواڈ کے افسران نے جانفشانی اور بہادری سے اپنے فرائض منصبی سرانجام دیتے ہوئے دوران چیکنگ جر ائم پیشہ عناصراور اشتہاری مجرمان کو گرفتار کر کے ان کے قبضہ سے 13 قیمتی موبائل فونز ،ایک ایس ایم جی گن، ایک ایم پی فائیورائفل اورایک عددنائن ایم ایم پستول معہ ایمو نیشن برآمد کیا،ڈی آئی جی اسلام آ باد نے ڈولفن اسکواڈ کے پولیس افسران کو اپنے فرائض منصبی احسن طریقے سے سر انجام دینے پر سراہا،اس موقع پر انہوں نے کہا کہ بہادری،تہذیب اور شفافیت اسلام آباد پولیس کے امتیازی نشان ہونے چاہیں، تمام افسران جانفشانی اور بہادری سے اپنے فرائض منصبی سرانجام دیں، آپ سب لوگ ایک بہترین پولیس فورس کا حصہ ہیں، آپ کا ہر کام قومی و بین الاقوامی سطح پر اجاگر ہوتا ہے،اس موقع پر تمام افسران نے تعریفی اسناد اور انعامات کے حصول کو قابل ستائش قرار دیا۔
