راولپنڈی(کرائم رپورٹر)سی پی او سید خالد ہمدانی کا ڈولفن ہیڈکوارٹرز کا دورہ، ایس ایس پی آپریشنز، چیف ٹریفک آفیسر، ایس پی صدر اور دیگر سینئر افسران بھی سی پی او کے ہمراہ تھے، سی پی او سید خالد ہمدانی نے ڈولفن ہیڈکوارٹرز میں نو تعمیر ایم ٹی ورکشاپ کا افتتاح کر دیا.
ایم ٹی ورکشاپ ہنڈا کمپنی کے تعاون سے تیار کی گئی ہے، ایم ٹی ورکشاپ میں ڈولفن فورس کے موٹر سائیکلوں کی مرمت کی مکمل سہولیات موجود ہیں، ڈولفن ایم ٹی ورکشاپ میں پولیس فورس کے اپنے مکینک کام کریں گے.
سی پی او سید خالد ہمدانی نے ڈولفن فورس کی کارکردگی کا جائزہ لیا اور اہم ہدایات دیں، ڈولفن فورس دوران ڈیوٹی بلٹ پروف ہیلمٹ اور جیکٹ کے استعمال کو یقینی بنائیں، سی پی او کی ہدایت مؤثر گشت کے ذریعے جرائم کی روک تھام کی مربوط حکمت عملی پر عملدرآمد کو یقینی بنایا جائے، ڈولفن فورس سٹریٹ کرائم کی روک تھام کے لئے اہم ہے، سی پی او سید خالد ہمدانی نے ڈولفن فورس کی کارکردگی پر شاباش دیتے ہوئے مزید بہتر بنانے پر زور دیا.
