پٹرولنگ پولیس راولپنڈی کمیونٹی پالیسنگ میٹنگ اور روڈ سیفٹی ورکشاپ کا انعقاد

راولپنڈی(کرائم رپورٹر)پٹرولنگ پولیس راولپنڈی ریجن پٹرولنگ پوسٹ گھیلاں کلاں کمیونٹی پالیسنگ میٹنگ اور روڈ سیفٹی ورکشاپ کا انعقاد کیا گیا۔ جس میں ایس ایس پی پٹرولنگ محمد بن اشرف نے بطور مہمان خصوصی شرکت کی۔ تقریب میں معززین علاقہ کو مدعو کیا گیا۔ ایس ایس پی پٹرولنگ نے معزز مہمانوں کو کمیونٹی پالیسنگ اور روڈ سیفٹی کے متعلق بریفنگ دی۔ معزز مہمانوں نے بریفنگ پر اطمینان کا اظہار کرتے ہوۓ شکریہ ادا کیا اور تجاویز پیش کیں جس پر ان کو جلد عملدرآمد کرانے کی یقین دہانی کرائی گئی۔ تقریب میں پر تکلف طعام کا انتظام کیا گیا۔ انچارج پٹرولنگ پوسٹ سب انسپکٹر قاسم فرید اور عملہ نے افسران اور مہمانوں کا شکریہ ادا کرتے ہوۓ رخصت کیا۔