اسلام آباد (کرائم رپورٹر)آئی جی اسلا م آباد سید علی ناصر رضوی کے احکامات پر اسلام آباد پولیس کی غیر قانونی اسلحہ کے خلاف بھرپور مہم جاری.گزشتہ 24گھنٹوں میںغیر قانونی اسلحہ رکھنے پر 13ملزمان گرفتار ،ملزمان کے قبضے سے 09 پستول، 04 رائفلز اورگن معہ ایمونیشن برآمد کیے گئے جبکہ مختلف تھانہ جات میں13 مقدمات کا اندراج کیا گیا،مہم کا مقصد شہر میں جرائم کی روک تھا م ہے،تفصیلات کے مطابق انسپکٹر جنر ل آف پولیس اسلا م آباد سید علی ناصر رضوی کے خصوصی احکامات پر اسلام آباد پولیس کی غیر قانونی اسلحہ کے خلاف بھرپور مہم جاری ہے ،اس سلسلہ میں گزشتہ روز غیر قانونی اسلحہ رکھنے والے 13ملزمان کو گرفتار کر کے ان کے خلاف مختلف تھانہ جات میں 13مقدمات کا اندراج کیا گیا.
گرفتار ملزمان کے قبضہ سے مختلف بور کے 09 پستول، 04 رائفل اورگن معہ ایمو یشن برآمد کئے گئے ، ایس ایس پی آپریشنز محمد شعیب خان نے کہا کہ مہم کا مقصد شہر میں جرائم کی روک تھام کے ساتھ شہر کو غیر قانونی اسلحہ سے پاک کر نا اور شہریوں کی جان و مال کے تحفظ کو یقینی بنا نا ہے،انہوں نے مزید کہا کہ ضلع بھر میں جرائم پیشہ عناصر کیخلاف کارروائیاں مزید تیز کی جائیں اور اس کے سدباب کیلئے جامعہ حکمت عملی اپنائی جائے، کسی بھی عناصر کو عوام الناس کے امن میں خلل ڈالنے ،وفاقی دارلحکومت میں غیر قانونی اسلحہ کے استعمال اور شہریوں میںخوف وہراس پھیلانے کی اجازت نہیں دی جائے گی،جن شہریوں کے پاس لائسنس یافتہ اسلحہ موجود ہے وہ اس کا اندراج اپنے متعلقہ تھانے میں کروائیںاور اسلام آباد پولیس کی غیر قانونی اسلحہ کے خلاف جاری مہم میں ساتھ دیں،اسلام آباد پولیس شہریوں کے جان و مال کے تحفظ کے لئے تمام تر وسائل بروئے کار لارہی ہے، شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکو ک چیزیا سرگرمی کے بارے میں متعلقہ تھانہ یاایمرجنسی ہیلپ لائن” پکار-15 “پر فوراً اطلاع دیں.
