اسلام آباد(کرائم رپورٹر) پولیس کی وفاقی دارلحکومت میں جرائم پیشہ عناصر کیخلاف موثر کارروائیاں جاری،گزشتہ ما ہ جنوری کے دوران مختلف جرائم میں ملوث2,637 ملزمان کو گرفتارکرکے24کروڑ40لا کھ روپے کا مال مسروقہ برآمد کر لیا،پولیس نے اسی عرصہ کے دوران سنگین جرائم میں ملوث99گروہوں کے228ملزمان کو بھی گرفتار کیا ،تفصیلا ت کے مطابق اسلام آباد پولیس کا وفاقی دارلحکومت میں جرائم پیشہ عناصر کیخلاف موثر کارروائیوں کا سلسلہ جاری ہے،اس سلسلہ میں اسلام آباد پولیس نے گزشتہ ما ہ جنوری کے دوران شہر میں امن و امان کے قیام سمیت جرائم پیشہ عناصر کے خلاف بھرپور کریک ڈاؤن جاری رکھا اور سنگین و دیگر جرائم میں ملوث کل2ہزار637ملزمان کو گرفتار کر کے ان کے قبضہ سے24کروڑ40لا کھ روپے کا مال مسروقہ بھی برآمد کیا، جس میں ڈکیتی /سرقہ بالجبر و دیگر جر ائم میں ملوث99 گروہوں کے228ملزمان کی گرفتار ی عمل میں لائی گئی،وفاقی دارلحکومت میں جاری ”نشہ!اب نہیں ”تحریک کے دوران کل205منشیات فروشوں کی گرفتاری عمل میں لائی گئی،گرفتار ملزمان کے قبضہ سے27کلوگرام چرس،72کلوگرام ہیروئن،11کلوگرام آئس،2,000لیٹر شراب اورنشہ آور گولیاں بھی برآمد کی گئیں.
جبکہ تعلیمی اداروں میں منشیا ت فروشی میں ملوث پانچ منشیا ت فروشوں کو گرفتار کرکے ان کے قبضہ سے دو کلوگرام سے زائد چرس،ایک کلوگرا م سے زائد ہیروئن اورایک کلو گرام آئس برآمد کی گئی،اسی طرح پراپرٹی کے جرائم میں ملوث365ملزمان کی گرفتاری بھی عمل میں لائی گئی جو چوری،ڈکیتی،نقب زنی،گاڑی و موٹرسائیکل چوری اور ٹمپرنگ میں ملوث تھے، گرفتار ملزمان کے قبضے سے جرائم بر خلاف مال کے مقدمات میں گاڑیاں، موٹرسائیکل اور ما ل مسروقہ بھی بر آمد کیا گیا،اسلام آباد پولیس نے وفاقی دارلحکومت کو اسلحہ سے پاک کرنے کی مہم کے دوران بھرپور کارروائیاں عمل میں لاتے ہوئے334ملزمان کی گرفتاری عمل میں لائی جنکے قبضے سے پولیس ٹیموں نے50 رائفلیں،پانچ کاربینز، 540 پستول اور33 خنجرز برآمد کئے گئے،اسی طرح شہر بھر میں پیشہ وار بھکاریوں اور انکے سہولت کاروں کیخلاف بھرپور کارروائیاں عمل میں لاتے ہوئے مختلف کارروائیوں میں 600سے زائد بھکاریوں کو بھی گرفتار کیاگیا.
اسلام آباد پولیس نے مجرمان اشتہاری،عدالتی مفروران اور عادی مجرمان کیخلاف بلاتفریق کارروئیاں عمل میں لاتے ہوئے371مجرمان کی گرفتاری عمل میں لائی،ڈی آئی جی اسلام آباد محمد جو اد طا رق نے کہا کہ اسلام آباد پولیس وفاقی دارلحکومت سے منشیات فروشوں اور جرائم پیشہ عناصر کے تدارک کو یقینی بنانے کیلئے تمام تر وسائل بروئے کار لارہی ہے،انہوں نے مزید کہا کہ اسلام آباد پولیس منشیات و شراب فروشی جیسے گھناؤنے کاروبار میں ملوث عناصر کو ہر صورت قانون کے کٹہرے میں لائے گی،شہری منشیات فروشی اور کسی بھی مشکوک شخص یا سر گرمی کے متعلق اپنے متعلقہ تھانہ،ایمرجنسی ہیلپ لائن ”پکار ”15-پرفوری اطلاع دیں
