پٹرولنگ پولیس راولپنڈی ریجن کی جانب سے فری آئی و میڈیکل کیمپ کا انعقاد اور شہریوں میں مفت ہیلمٹ کی تقسیم

راولپنڈی(کرائم رپورٹر) پٹرولنگ پولیس راولپنڈی ریجن ایس ایس پی محمد بن اشرف اور ڈسٹرکٹ آفیسر چوہدری ذوالفقار علی کی جانب سے احسن اقدام۔ شفاء نور فاؤنڈیشن ، روشن ہیلتھ ریسرچ اینڈ ویلفئیر سوسائٹی پاکستان ، نایاب لیبارٹریز اور محسن ہومیو سٹور بوہڑ بازار کے تعاون سے بمقام پٹرولنگ پوسٹ قائداعظم کالونی راولپنڈی فری آئی و میڈیکل کیمپ کا انعقاد کیا گیا۔ ایس ایس پی پٹرولنگ کی جانب سے تمام تعاون کرنے والی این جی اوز کو اعزازی شیلڈ پیش کی گئیں جس پر تمام نے شکریہ ادا کیا۔ میڈیکل کیمپ سے تقریباً 150 مقامی شہریوں نے استفادہ حاصل کیا اور پٹرولنگ پولیس کیلیے دعاگو ہوۓ۔ مزید مستحق شہریوں میں مفت 50 ہیلمٹ تقسیم کیۓ گئے اور ہیلمٹ کی افادیت کے متعلق آگاہ کیا گیا۔ پٹرولنگ پولیس عوام کی حفاظت کے ساتھ ساتھ فلاح و بہبود کیلیۓ ہمہ وقت کوشاں ہے۔