اسلام آباد(کرائم رپورٹر)ایف آئی اے کی انسانی سمگلنگ کے خلاف گزشتہ 2 ماہ کی کارکردگی رپورٹ ،وفاقی وزیر داخلہ کی ہدایت پر ایف آئی اے کا انسانی سمگلروں کے خلاف کریک ڈاون جاری ،ایف آئی اے نے گزشتہ 2 ماہ کے دوران 458 انسانی سمگلرز اور ایجنٹس کو گرفتار کیا ، گرفتار ملزمان میں ریڈ بک کے 8 انتہائی مطلوب انسانی سمگلرز بھی شامل ،گزشتہ 2 ماہ کے دوران یونان کشتی حادثہ 2023 کے 19 اشتہاری انسانی سمگلروں کو بھی گرفتار کیا گیا ،یونان کشتی حادثہ 2024 میں ملوث 18 انسانی سمگلروں کو بھی گرفتار کیا گیا ،مراکش کشتی حادثے 2025 میں ملوث 10 ایجنٹس بھی گرفتار ،گزشتہ 2 ماہ کے دوران ایف آئی اے نے انسانی سمگلنگ میں ملوث ملزمان کی 661.63m روپے سے زائد مالیت کی جائیدادیں ضبط کی گئی، انسانی سمگلنگ میں ملوث عناصر کے زیر استعمال 73.51m روپے کے بینک اکاؤنٹس منجمد کیے گئے۔
انٹرپول کے ذریعے انسانی سمگلنگ میں ملوث ملزمان کی گرفتاری کے لئے مجموعی طور پر 26 ریڈ نوٹسز جاری کیے گئے ،انسانی سمگلنگ میں ملوث عناصر کے خلاف کریک ڈاون جاری ہے ،کشتی حادثے میں ملوث ایجنٹوں کی گرفتاری کے لئے تمام تر وسائل کو بروئے کار لایا جارہا ہے ، ملک کے تمام ائرپورٹس پر تعینات افسران انسانی سمگلنگ میں ملوث ایجنٹوں کے گرفتاری کے لئے کڑی نگرانی کر رہے ہیں ، معصوم جانوں سے کھیلنے والوں کو انصاف کے کٹہرے میں لایا جائے گا،ایف آئی اے کی ٹیمیں انسانی سمگلنگ کے متاثرین سے مسلسل رابطے میں ہیں ،انسانی سمگلنگ کے خلاف زیرو ٹالرنس پالیسی پر عمل جاری ہے ، گرفتار انسانی سمگلروں کو قانون کے مطابق سخت سزائیں دلوائی جائیں گی ،بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے گا .
