اسلام آباد(کرائم رپورٹر)ایس ایس پی آپریشنز اسلام آباد کی ناکہ جات ڈیوٹی پر مامور پولیس افسران کو فرائض کی بہترین انجام دہی کے حوالے سے بریفنگ، روایتی رویوں کے بجائے پیشہ وارنہ رویہ اپنائیں،دوران چیکنگ شہریوں کے ساتھ خوش اخلاقی سے پیش آئیں ،کسی بھی وقوعہ کے متعلق ہونے والی کال پر بروقت کارروائی عمل میں لائیں ،تفصیلات کے مطابق سینئرسپرٹینڈنٹ آف پولیس اسلام آباد محمد شعیب خا ن نے ناکہ ڈیوٹی پر مامور افسران کو بریفنگ دی .
ایس ایس پی آپریشنز نے کہا کہ شہریوں کے ساتھ خوش اخلاقی سے پیش آئیں ، تمام افسران روا یتی رویوں کے بجائے پیشہ وارنہ رویہ اپنائیں، کسی بھی وقوعہ کے متعلق ہونے والی کال پر بروقت قانونی کارروائی عمل میں لائی جائے، انہوں نے مزید کہا کہ تمام افسران وفاقی دارلحکومت اسلام آبادمیں جرائم کی بیخ کنی کے لئے اپنی ڈیوٹی ایمانداری اور دیانتداری سے ادا کریں، ہم سب کی اس شہر اور اسکے باسیوں کی جان و مال کی حفاظت کو یقینی بنانا اولین ذمہ داری ہے،انہوں نے مزید کہا کہ افسران دوران چیکنگ شہریوں کے ساتھ حسن اخلاق سے پیش آئیں،ہم نے شہریوں کو تحفظ کا احساس دلانا ہے،شہریوں کے جان و مال کی حفاظت ہمار اولین مقصد ہے۔
