راولپنڈی(کرائم رپورٹر) چمپئینز ٹرافی 2025،راولپنڈی کرکٹ اسٹیڈیم میں نیوزی لینڈ بمقابلہ بنگلہ دیش،سی پی او سید خالد ہمدانی نے سیکورٹی اور ٹریفک انتظامات کا تفصیلی جائزہ لیا، ایس ایس پی آپریشنز، چیف ٹریفک آفیسر، ڈویژنل ایس پیز اور دیگر افسران بھی ہمراہ تھے، سی پی او نے پوائنٹ وائز ڈیوٹی چیک کی اور افسران و اہلکاروں کو ہدایات دیں، سی پی او نے فول پروف سیکورٹی کو ہمہ وقت یقینی بنانے کے لئے افسران کو ہدایات دیں، سی پی او نے کمانڈ اینڈ کنٹرول روم کا بھی دورہ کیا اور ہدایات دیں،چمپئینز ٹرافی کرکٹ میچز کی سیکورٹی کے لئے راولپنڈی پولیس کی جانب سے فول پروف انتظامات کیے گئے ہیں، تمام سینئر افسران خود فیلڈ میں موجود رہ کر انتظامات کی نگرانی کر رہے ہیں.
راولپنڈی پولیس کے 5000 سے زائد افسران و اہلکار سیکورٹی کے فرائض سر انجام دے رہے ہیں، سٹیڈیم آنے والے شائقین کو واک تھرو گیٹ اور مکمل باڈی سرچنگ کے بعد داخلے کی اجازت دی جائے گی،
سی سی ٹی وی کیمروں سے سٹیڈیم اور گردونواح کی مانیٹرنگ کی جا رہی ہے، روٹ اور سٹیڈیم کے اطراف چھتوں پر ماہر نشانہ باز تعینات کئے گئے ہیں، اسٹیڈیم کے اطراف اور گرد و نواح میں پولیس ٹیمیں، ڈولفن فورس اور ایلیٹ فورس گشت کے فرائض سرانجام دے رہی ہیں، شہریوں کی سہولت کے لئے خصوصی ٹریفک پلان مرتب کیا گیا ہے جسے سی ٹی او راولپنڈی خود مانیٹر کر رہی ہیں، شائقین کرکٹ کی سہولت کے لیے کرکٹ سٹیڈیم تک شٹل سروس شروع کی گئی ہے، شائقین کرکٹ کو سٹیڈیم تک پہنچانے کے لیے راہنمائی بھی فراہم کی جا رہی ہے.
راولپنڈی میں کرکٹ شائقین اور ٹیموں کے لئے محفوظ اور پر سہولت ماحول کو یقینی بنایا جا رہا ہے،راولپنڈی پولیس چمپئینز ٹرافی کرکٹ میچز کی بہترین سیکورٹی اور شہریوں کو خوشگوار ماحول کی فراہمی کے لئے پرعزم ہے،
پاک فوج، رینجرز اور دیگر سیکورٹی اداروں کے ربط سے فول پروف سیکورٹی انتظامات کو یقینی بنایا جائے گا .
