اسلام آباد(کرائم رپورٹر)آئی جی اسلام آباد سید علی ناصر رضوی کی انوسٹی گیشن ونگ کے افسران کے ساتھ میٹنگ،آئی جی اسلام آباد نے تفتیش کے نظام کو بہتر بنانے اور زیر تفتیش مقدمات کا جائزہ لیا،افسران کو مقدمات کی تفتیش کو موثر بنانے اور زیر تفتیش مقدمات میں ملزمان کی گرفتاری کے لئے احکامات جاری کیے،تفصیلات کے مطابق انسپکٹر جنرل آف پولیس اسلام آباد سید علی ناصر رضوی نے انوسٹی گیشن ونگ کے افسران کے ساتھ میٹنگ کی ،میٹنگ میں ایس ایس پی انوسٹی گیشن محمدارسلان شاہ زیب ،تفتیشی ٹیم اور دیگر افسران نے شرکت کی،آئی جی اسلام آباد نے تفتیش کے نظام کو بہتر بنانے اور زیر تفتیش مقدمات کا جائزہ لیا.
انہوں نے افسران کو مقدمات کی تفتیش کو موثر بنانے اور زیر تفتیش مقدمات میں عدم گرفتار ملزمان کی گرفتاری کے لئے احکامات جاری کیے،آئی جی اسلام آباد نے کہا کہ بدلتے دور کے تقاضوں کے مطابق تفتیش کے عمل کو جدید ٹیکنالوجی سے لیس کیا جائے ،تمام افسران زیرتفتیش مقدمات کو میرٹ پر یکسو کریں ،انہوں نے مزید کہا کہ انوسٹی گیشن ونگ کی تجدید کا مقصد تفتیشی نظام کو بروقت اور میرٹ پر مکمل کرنا ہے اورفوجداری مقدمات کی بہتر انداز میں تفتیش کرنی ہے تاکہ جرائم پیشہ عناصر کے گرد گھیرا تنگ کرتے ہوئے معاشرہ سے جرائم کے خاتمے کو ممکن بنایا کیا جا سکے
