اسلام آباد(کرائم رپورٹر)اسلام آبادپولیس سے ریٹائرڈ ہونے والے وائرلیس سٹاف کے سب انسپکٹر محمداشفاق اور سب انسپکٹر تفسیر حسین کے اعزاز میں سیف سٹی اسلام آبادمیں ایک پروقار میں الوداعی تقریب کا انعقادکیا گیا،ڈی آئی جی سیف سٹی نے ریٹائرڈ آفیسرکو اعزازی پولیس شیلڈ پیش کی اور مستقبل کیلئے نیک تمناﺅں کا اظہار کیا،تفصیلات کے مطابق اسلام آبادپولیس سے ریٹائرڈ ہونے والے وائرلیس سٹاف کے سب انسپکٹر محمداشفاق اور سب انسپکٹر تفسیر حسین کے اعزاز میںسیف سٹی اسلام آبادمیں ایک پروقار میں الوداعی تقریب کا انعقادکیا گیا،تقریب میں ڈی آئی جی سیف سٹی اسلام آبادشاکر حسین داوڑ بطور مہمان خصوصی شرکت کی .
ڈی آئی جی سیف سٹی اسلام آبادنے ریٹائر ہونے والے افسران کی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے جس نے سروس شروع کی وہ ایک دن ریٹائر بھی ہو گا،آپ نے ایک لمبا عرصہ محکمہ پولیس کی خدمت کی ہے، دوران سروس ہم سب کی کوشش ہونی چاہیے کہ ایسے کام کیے جائیں جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے،ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ کی خوشنودی حاصل کی جائے.
انہوں نے کہا کہ آپ نے اپنا زندگی کا قیمتی حصہ محکمہ پولیس میں گزار کر عوام کی خدمت کی، اس کے بدلے محکمہ پولیس نے بھی آپ کو عزت،وقار اور ایک مقام دیا جس پر آپ کو اللہ کا شکر گزار ہونا چاہیے،انہوں نے مزید کہا کہ آپ کو کوئی بھی نجی و سرکاری مسئلہ درپیش ہو تو میرے دفتر کا دروازہ ہر وقت کھلا ہے، اس موقع پر ریٹائرڈ ہونیوالے افسران نے عزت افزائی پر خوشی کا اظہار کرتے ہوئے ڈی آئی جی سیف سٹی اسلام آبادکا شکریہ ادا کیا ،تقریب کے آخر میں مہمان خصوصی نے ریٹائرڈ ہونے والے دونوںافسران کی خد مات کو سراہتے ہوئے انہیںاعزازی پولیس شیلڈز اور تحائف سے نوازا اور ان کے مستقبل کیلئے نیک خواہشات کا اظہار کیا۔
