راولپنڈی(کرائم رپورٹر)جی ٹی روڈ اور گردونواح میں وارداتیں کرنے والے 4 رکنی گرفتار گینگ سے تفتیش میں مزید پیشرفت، گوجرخان پولیس کی کارروائی، ملزمان سے مزید مسروقہ رقم 48 ہزار روپے برآمد،قبل ازیں تھانہ مندرہ پولیس نے ملزمان سے مسروقہ رقم 17 لاکھ روپے، 03 مسروقہ موٹرسائیکل، 02 موبائل فون اور اسلحہ برآمد کیا تھا۔ تفصیلات کے مطابق جی ٹی روڈ اور گردونواح میں وارداتیں کرنے والے 4 رکنی گرفتار گینگ سے تفتیش میں مزید پیشرفت، گوجرخان پولیس نے کارروائی کرتے ہوئے ملزمان سے مزید مسروقہ رقم 48 ہزار روپے برآمدکر لی،گرفتار ملزمان میں حمید اللہ، سیف، رحمن اللہ اور زاہد خان شامل ہیں، قبل ازیں تھانہ مندرہ پولیس نے ملزمان سے مسروقہ رقم 17 لاکھ روپے، 03 مسروقہ موٹرسائیکل، 02 موبائل فون اور اسلحہ برآمد کیا تھا،ملزمان نے دوران تفتیش جی ٹی روڈ اور گردونواح میں متعدد وارداتوں کا انکشاف کیا تھا،ایس پی صدر محمد نبیل کھوکھرکا کہنا تھا کہ ملزمان کو ٹھوس شواہد کے ساتھ چالان عدالت کیا جائے گا، شہریوں کی جان و مال کی حفاظت اولین ذمہ داری ہے جس کے لیے تمام وسائل بروئے کار لائے جارہے ہیں۔
جی ٹی روڈ اور گردونواح میں وارداتیں کرنے والے 4 رکنی گرفتار گینگ
