اسلام آباد(کرائم رپورٹر)اسلام آباد پولیس کی شہر میں مربوط ٹریفک نظام کو یقینی بنانے اور ٹریفک قوانین کی خلاف ورزیوں پر بلا تفریق قانونی کارروائیاں جاری،گزشتہ ماہ کے دوران ٹریفک قوانین کی خلاف ورزیوں پر61,842گاڑیوں، موٹر سائیکل سواروں ،مال برداراور عوامی نقل و حمل گاڑیوںکے خلاف قانونی کارروائیاں عمل میں لائیں،قانونی کارروائیوں کامقصد شہریوں کو حادثات سے محفوظ رکھنااور ٹریفک کو رواں دواں رکھنا ہے،
تفصیلات کے مطابق انسپکٹر جنرل آف پولیس اسلا م آباد سید علی ناصر رضوی کی خصوصی ہدایت پر اسلام آباد ٹریفک پو لیس وفاقی دارالحکومت میں شہریوں کو ہر ممکن سفری سہولیات فراہم کرنے کے لئے ہمہ وقت کوشاں ہے اور ٹریفک قوانین کی خلاف ورزی کرنے والوں کیخلاف بلاامتیاز قانونی کارروائیاں عمل میں لا کر حادثات کی روک تھام اور ٹریفک کی روانی کو برقرار رکھنے کے لئے ہمہ وقت مصروف عمل ہے.
اس سلسلہ میں گزشتہ ماہ کے دوران اسلام آباد ٹریفک پولیس نے ماہ فروری کے دوران ٹریفک قوانین کی خلاف ورزیوں پر61,842گاڑیوں ،موٹر سائیکل سواروں ،مال بردار اور عوامی نقل و حمل والی گاڑیوں کے خلاف قانونی کارروائیاں کی گئی،اسلام آبادٹریفک پولیس نے خصوصی مہم کے تحت 5,747غیر نمونہ نمبر پلیٹس ،3,769 بغیر ہیلمنٹ, 14,163غیر قانونی پارکنگ ، 2,340مخالف سمت کے استعمال ، 6,397ریڈ لائٹ کی خلاف ورزی ،2,955سیٹ بیلٹ، 1,087موبائل فون کے استعمال، 854 کالے شیشے اور 25,617دیگر ٹریفک قوانین کی خلاف ورزیوں پر قانونی کارروائیاں عمل میں لائیں،جبکہ 8,458 گاڑیوں اور موٹر سائیکلوں کو سنگین خلاف ورزی پر مختلف تھانہ جات میں بند بھی کیا گیا،چیف ٹریفک آفیسر اسلام آباد نے شہریوں سے اپیل کی کہ وہ دورا ن ڈرائیونگ ٹریفک قوانین کی پاسداری کرتے ہوئے اسلام آباد ٹریفک پولیس سے تعاون کریں تاکہ شہر میں مربوط ٹریفک کے نظام کو برقرار رکھتے ہوئے ٹریفک قوانین پر عملدرآمد کو یقینی بنایا جاسکے، اسلام آباد ٹریفک پولیس حادثات کی روک تھام اور قانون کی بالا دستی کو مساوی بنیادوں پر یقینی بنانے کیلئے ہر ممکن اقدامات کر رہی ہے ۔
