اسلام آباد(کرائم رپورٹر)فرض کی ادائیگی کے دوران اپنی جانوں کا نذرانہ پیش کرنے والے پولیس افسران کی یاد میں انٹرپول کا بین الاقوامی دن انٹرپول کا فرض کی ادائیگی کے دوران جانوں کا نذرانہ پیش کرنے والے پولیس افسران کے حوالے سے عالمی دن ایف آئی اے ہیڈ کواٹرز میں انٹرپول کے عالمی دن کے موقع پر دعائیہ تقریب کا انعقاد کیا گیا انٹرپول ہر سال 7 مارچ کو شہداء پولیس کی یاد میں بین الاقوامی دن مناتا ہے، اس دن کے حوالے سے ایف آئی اے ہیڈکوارٹرز میں میں مختلف تقاریب اور سیشنز کا انعقاد کیا گیا ڈائریکٹر جنرل ایف آئی اے جان محمد نے یادگار شہداء پر پھولوں کی چادر چڑھائی.
ڈی جی ایف آئی اے جان محمد نے کہا کہ 7 مارچ شہداء پولیس کی لازوال قربانیوں کو خراج تحسین پیش کرنے کا دن ہےیہ ان عظیم لوگوں کا دن جنہوں نے ہمارے امن و سلامتی کی خاطر اپنی جانوں کا نذرانہ پیش کیا
مادر وطن کی خاطر جان نچھاور کرنے والے بہادر سپوتوں کی عظیم قربانیوں کو کبھی بھی فراموش نہیں کیا جائے گا آج کے دن ہم عالمی سطح پر تمام شہداء پولیس کو خراج تحسین پیش کرتے ہیں اور ان کے اہل خانہ کے ساتھ یکجہتی کا اظہار کرتے ہیں آج کا دن پوری دنیا کے قانون نافذ کرنے والے اداروں کے درمیان اتحاد اور یکجہتی کا مظہر ہے انہوں نے کہا کہ آج دنیا بھر کے ان بہادر پولیس افسران کو خراج عقیدت پیش کرتے ہیں جنہوں نے عوام کے تحفظ کے لیے اپنی جانوں کا نذرانہ پیش کیا جان کا نذرانہ پیش کرنے والے آفسران کا حوصلہ، بہادری اور فرض شناسی ہمارے لیے مشعل راہ ہے قانون کی بالادستی اور عوام کے تحفظ کے لیے ان کی قربانیوں کو ہمیشہ یاد رکھا جائے گا آئیں عہد کریں فرض کی بجا آوری کے دوران اپنی قیمتی جانوں کا نذرانہ پیش کرنے والے شہداء کی جرات، عظمت اور بہادری کو کبھی فراموش نہیں کریں گے۔
