اسلام آباد(کرائم رپورٹر)ایس ایس پی سکیورٹی محمد سرفراز ورک کی زیر صدارت سکیورٹی کے حوالے سے اہم اجلاس ہائی سکیورٹی زون میں واقع تمام ناکہ جات پر چیکنگ کے عمل کو مزید موثر بنایا جائے گا،سکیورٹی ڈویژن میں تعینات افسران نفری اوردیگر وسائل کا آ ڈٹ کر کے تحریر ی رپورٹ مرتب کریں،تمام پولیس اہلکار بروقت اپنی ڈیوٹی پر حاضری کو یقینی بنائیں ،تفصیلات کے مطابق انسپکٹر جنرل آف پولیس اسلام آ باد سید علی ناصر رضوی کے خصوصی احکامات کی روشنی میں ایس ایس پی سیکورٹی ڈویژن محمد سرفراز ورک کی زیرصدارت سکیورٹی کے حوالے سے اہم اجلاس کا انعقاد ہوا،اجلاس میں ایس پیز ،ڈی ایس پیز اور تمام برانچز کے انچارج صاحبان نے شرکت کی ،اس موقع پر افسران سے مخاطب ہوتے ہوئے ایس ایس پی سکیورٹی نے کہا کہ ہائی سکیورٹی زون میں واقع تمام ناکہ جات پر چیکنگ کے عمل کو مزید موثر بنایا جائے .
جبکہ سکیورٹی ڈویژن میں تعینات افسران نفری اوردیگر وسائل کا آ ڈٹ کر کے تحریر ی رپورٹ مرتب کریں،تمام افسران اس امر کو یقینی بنائیں گے کہ کسی بھی اسٹیشن پر کوئی بھی اہلکارکسی ایسی جگہ پر ڈیوٹی سر انجام نہ دے جہاں پر اسکی ضرورت نہ ہو،اسی کے ساتھ تمام پولیس اہلکار بروقت اپنی ڈیوٹی پر حاضری کو یقینی بنایا بنائیں،انہوں نے مزید کہا کہ افسران رمضان المبارک کے دوران سحر ی اور افطار ڈیوٹی پر موجود اپنے ماتحت جوانوں کے ہمراہ کریں ،اسی کے ساتھ پولیس افسران کی ویلفیئر کو بھی یقینی بنایا جائے ،ایس ایس پی سکیورٹی ڈویژن نے مزید کہا کہ ہائی سکیورٹی زون میں واقع تمام سرکاری و نجی اداروں ، سفارت خانوں اور اقوام متحدہ کے دفاتر کی سکیورٹی ہماری اولین ترجیحات میں شامل ہے.
جبکہ نفری کے لئے روزانہ کی بنیاد پر بریفنگ ،انہیں اسلحہ کے صحیح استعمال، ڈیوٹی پر الرٹ رہنے اور احسن طریقہ سے اپنے فرائض منصبی سر انجام دینے سے متعلق بریف کیا جائے، ڈیوٹی پر تعینات تمام اہلکار باوردی،بلٹ پروف ہیلمٹ اور جیکٹ کے استعمال کو یقینی بنائیں،اجلاس کے اختتام پر ایس ایس پی سکیورٹی ڈویژن نے کہا کہ فرائض منصبی میں غفلت اور لاپرواہی برتنے والے پولیس افسران کے خلاف سخت محکمانہ کاروائی عمل میں لائی جائے گی.
