اسلام آباد(کرائم رپورٹر)ایس ایس پی آپریشنز اسلام آباد محمد شعیب خان کی کیو آر ایف افسران کو فرائض کی بطریقہ احسن انجام دہی کے حوالے سے بریفنگ،اپنی ڈیوٹی ایمانداری، دیانتداری اور فرض سمجھ کر ادا کریں،دوران چیکنگ شہریوں کے ساتھ حسن اخلاق سے پیش آئیں،ہم نے شہریوں کو تحفظ کا احساس دلانا ہے شہریوں کی جان و مال کی حفاظت ہمارا اولین فرض ہے تفصیلات کے مطابق سینئر سپرٹینڈنٹ آف پولیس اسلام آباد محمد شعیب خا ن نے کوئیک ریسپانس فورس کے افسران کو فرائض منصبی کی بہترین انجام دہی پر بریفنگ دی،ایس ایس پی آپریشنز نے کہا کہ فیملی والی گاڑیوں کو غیر ضروری طور پر چیک نہ کیا جائے.
تمام افسران روا ئتی رویوں کے بجائے پیشہ وارنہ رویہ اپنائیں، کسی بھی وقوعہ کے متعلق ہونے والی کال پر بروقت قانونی کارروائی عمل میں لائیں، انہوں نے مزید کہا تمام افسران وفاقی دارلحکومت اسلام آبادمیں جرائم کی بیخ کنی کے لئے اپنی ڈیوٹی ایمانداری اور دیانتداری سے ادا کریں، ہم سب اس شہر اور اسکے باسیوں کی جان و مال کی حفاظت کو ممکن بنائیں گے،انہوں نے مزید کہا کہ افسران دوران چیکنگ شہریوں کے ساتھ حسن اخلاق سے پیش آئیں،ہم نے شہریوں کو تحفظ کا احساس دلانا ہے،شہریوں کے جان و مال کی حفاظت ہمار اولین مقصد ہے۔
