اسلام آباد(کرائم رپورٹر)ڈی آئی جی اسلام آباد محمد جواد طارق کا ایس ایس پی آپریشزکے ہمراہ ضلع بھر کے ناکہ جات کا دورہ سیکور ٹی انتظاما ت کا جا ئز ہ لیا ،ڈیوٹی پر مامور پولیس افسران کو فرائض کی انجام دہی کے حوالے سے بریف کیا،شہریوں کی حفاظت کو یقینی بنانے کے لئے ہر ممکن اقدامات کئے جا رہے ہیں تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات پر ڈی آئی جی اسلام آباد محمد جواد طارق نے ایس ایس پی آپریشزمحمد شعیب خان کے ہمراہ ضلع بھر کے ناکہ جات کا دورہ کیااور سیکور ٹی انتظاما ت کا جا ئز ہ لیا،اس موقع پر ان کے ہمراہ دیگر پولیس افسران بھی موجود تھے.

ڈی آئی جی اسلام آباد نے ڈیوٹی پوائنٹس پر فرائض منصبی کی ادائیگی پرمامور پولیس افسران اور جوانوں سے ملاقات کی اور بہترین فرائض کی انجام دہی پر شاباش دی،اس موقع پر انہوں نے کہا کہ اسلام آباد پولیس نے رمضان المبارک کی سکیورٹی کے حوالے سے ضلع بھر کی مساجد اور امام بارگاہوں پر سکیورٹی کے خصوصی انتظامات کئے ہیں،اسلام آباد پولیس کے افسران ہمہ وقت شہریوں کی جان مال کی حفاظت کے لئے مصروف عمل ہیں، وفاقی دارلحکومت میں امن و امان کو یقینی بنانے کیلئے تمام تر وسائل بروئے کار لائے جارہے ہیں اور کسی بھی عناصر کو شہریوں کے امن میں خلل ڈالنے کی اجازت نہیں دی جائے گی۔