اسلام آباد(کرائم رپورٹر)ایس ایس پی آ پر یشنز اسلام آ باد محمد شعیب خا ن کی زیر صدارت صدر زون کے افسران سے کر ائم کے حو الے سے اہم اجلاس اسلحہ کی نمائش اور قبضہ مافیا کیخلاف بلا تفریق کارروائیاں عمل میں لائی جائیں، سنگین جرائم میں ملوث مجرمان اشتہاریوں کی گرفتار ی کو یقینی بنائیں،گرفتار ملزمان کو قرار واقعی سزا دلوانے کے لئے ٹھو س شواہد کی روشنی میں چالان کیا جا ئے تفصیلات کے مطابق سینئر سپر ٹینڈنٹ آف پولیس آپریشنز اسلام آ باد محمد شعیب خا ن کی زیر صدارت کرائم کے حو الے صدرزون کے افسران سے اہم اجلاس منعقد ہوا، اجلاس میں ایس پی صدر زون عبد القیوم ،صدر زون کے ایس ڈی پی اوز اور ایس ایچ اوز نے شرکت کی، ایس ایس پی آپریشنز اسلام آباد نے افسران کو ہدایات جاری کرتے ہو ئے کہا کہ تمام پٹرولنگ یونٹ، ڈولفن، ابابیل ایمرجنسی ریسپانس یونٹس شہر کے تمام علاقوں میں پٹرولنگ کو مزید مو ثر بنائیں .
رمضان المبارک کے دوران سیکورٹی کو مزید موثر بنایاجایا ، عبادت گاہوں ، مارکیٹوں ، تجارتی مراکز اور دیگر اہم مقامات کی سیکورٹی کو یقینی بنائیں ، سابقہ ریکارڈ یافتہ مجرمان کی کڑی نگرانی کریں، پٹرولنگ کو بامقصد اور موثر بنائیں، راہزنی،چوری اور مو ٹر سائیکل و کا ر چوری کے مقدما ت میں ملوث ملزمان کی گرفتار ی اور برآمد گی کو یقینی بنائیں، جر ائم پیشہ عناصر کی بیخ کنی کے لئے تما م تروسائل بر وئے کا ر لا ئے جا ئیں، سنگین مقدما ت میں ملوث ملزمان اور اشتہا ری مجرمان کی گرفتار ی کے لئے کر یک ڈاﺅن کر یں،ایس ایس پی آپریشنز نے مزید کہا کہ تمام افسران قبضہ مافیا،منشیات فروشی،غیر قانونی اسلحہ رکھنے والے اور سنگین جرائم میں ملوث ملزمان کے خلاف بلا تفریق کارروائیاں عمل میں لائیں، سنگین جرائم کے انسداد اورایسے واقعات میں ملوث ملزمان کے خلاف سخت قانونی کارروائی عمل میں لا تے ہوئے کیفرکردار تک پہنچایا جائے.
عدم گرفتار ملزمان کو جلد از جلد گرفتار کرکے تفتیش کو میرٹ پر یکسو کریں، گرفتار ملزمان کو قرار واقعی سزا دلوانے کے لئے ٹھو س شواہد کی روشنی میں چالان کیا جا ئے، انہوں نے تمام ایس ایچ اوز کو تھانے کی سطح پر شہریوں کی شکایات کے مو ثر ازالے کو یقینی بنا تے ہوئے ان کے مسائل ترجیح بنیادوں پر حل کرنے کے احکامات جاری کئے،انہوں نے کہا کہ کر پشن، بدعنوانی اور نامناسب رویہ کی شکایات پرسخت ایکشن لیا جائے گا، اختیارات سے تجاوز قطعی برداشت نہیں کیا جائے گا، تمام افسران اپنے نظم و ضبط کومثالی بنائیں،شہر یو ں کی جان و مال کا تحفظ ہماری اولین تر جیح ہے، اس میں کسی قسم کی غفلت ہر گز بر داشت نہیں کی جائے گی.
