تھانہ جاتلی نے قتل و اقدام قتل کے مقدمہ میں مطلوب 2 اشتہاری مجرمان کو گرفتار کرلیا

راولپنڈی(کرائم رپورٹر)تھانہ جاتلی نے،قتل و اقدام قتل کے مقدمہ میں مطلوب 2 اشتہاری مجرمان گرفتار،اشتہاریوں نے زمین کے تنازعہ پر فائرنگ کر کے دلاور خان کو قتل اور 2 افراد کو زخمی کر دیا تھا۔ تفصیلات کے مطابق جاتلی پولیس نے کاروائی کرتے ہوئے قتل و اقدام قتل کے مقدمہ میں مطلوب 2 اشتہاری مجرمان کو گرفتار کرلیا،گرفتار مجرمان میں شاہد اقبال اور قیصر زمان شامل ہیں، اشہاریوں نے زمین کے تنازعہ پر فائرنگ کر کے دلاور خان کو قتل اور 2 افراد کو زخمی کر دیا تھا،واقعہ کا مقدمہ نومبر 2024 میں درج کیا گیا،جاتلی پولیس نے ہیومن انٹیلی سمیت تمام زرائع بروئے کار لاتے ہوئے اشتہاری مجرمان کو ٹریس کر کے گرفتار کر لیا،ایس پی صدر محمد نبیل کھوکھرکا کہنا تھاکہ گرفتار اشتہاریوں کو ٹھوس شواہد کے ساتھ چالان عدالت کیا جائے گا،قتل،اقدام قتل جیسے سنگین مقدمات میں ملوث اشتہاری مجرمان کی گرفتاری لواحقین کو انصاف کی فراہمی میں اہم ہے۔